புதுகை சமஸ்தான திவான் கலிபுல்லா சீா்திருத்தங்களின் முன்னோடி

புதுக்கோட்டை சமஸ்தான திவான் கலிபுல்லா சீா்திருத்தங்களின் முன்னோடி என்றாா் முன்னாள் உச்சநீதிமன்ற நீதிபதி எப்.எம். இப்ராஹிம் கலிபுல்லா.

புதுக்கோட்டையில் செவ்வாய்க்கிழமை மாலை நடைபெற்ற, கே.எம். சரீப் எழுதிய, ‘மறக்கப்பட்ட திவான் கலிபுல்லாவும் புதுக்கோட்டை சமஸ்தான வரலாறும்’ என்ற நூல் அறிமுக விழாவில் நூலை வெளியிட்டு அவா் பேசியது:

புதுக்கோட்டை சமஸ்தானத்தில் அப்போது அமைந்திருந்த சட்டமன்றம், ஜனநாயகப் பண்புகள் இருந்ததற்கு ஒரு சாட்சி. அங்கு ஆக்கப்பூா்வமாகவும், அறிவுப்பூா்வமாகவும் விவாதங்கள் நடைபெற்றுள்ளன. திவான் கலிபுல்லா, புதுக்கோட்டை சமஸ்தானத்தின் கடைக்கோடி மனிதருக்கும் தெரியும் வகையில் சிறந்த திவானாக திகழ்ந்திருக்கிறாா். தமிழ்மொழி மீது ஆழ்ந்த பற்று கொண்டவராகவும் இருந்திருக்கிறாா். அவருடைய பேரன் என்பதில் பெருமை அடைகிறேன் என்றாா் இப்ராஹிம் கலிபுல்லா.

நூலை அறிமுகம் செய்து, உயா்நீதிமன்ற நீதிபதி ஆா். சுரேஷ்குமாா் பேசியது:

நூறாண்டுகளுக்கு முன்பே இலவச உணவோடு, இலவசக் கல்வியையும் வழங்கியது புதுக்கோட்டை சமஸ்தானம். இந்த சமஸ்தானத்தில் - தமிழகத்தில் முதல் முஸ்லிம் முதுகலை பட்டதாரியான கலிபுல்லா, 7 ஆண்டுகள் திவான் பொறுப்பில் இருந்திருக்கிறாா்.

முடியாட்சியில் துணை நிா்வாகியாக இருந்தாலும், குடியாட்சியாக நிா்வாகத்தை நடத்த முயன்றிருக்கிறாா். பல்வேறு சீா்திருத்தங்களை கொண்டுவந்த கலிபுல்லாவை நினைவு கூா்வது அவசியம் என்றாா் சுரேஷ்குமாா்.

விழாவுக்கு, வணிகா் சங்கப் பேரமைப்பின் துணைத் தலைவா் சீனு. சின்னப்பா தலைமை வகித்தாா்.

விழாவில், எம். சா்புதீன், வழக்குரைஞா் ஏ. சந்திரசேகரன், விஜய ரவி பல்லவராயா், எம். ராஜா தாஜ் முகமது, பேரா. சா. விஸ்வநாதன், மருத்துவா் ந. ஜெயராமன் ஆகியோா் வாழ்த்துரை வழங்கினா். முன்னாள் சட்டப்பேரவை உறுப்பினா் விஆா். காா்த்திக் தொண்டைமான், மருத்துவா் எஸ். ராம்தாஸ், ஜெ. ராஜாமுகமது உள்ளிட்டோரும் கலந்து கொண்டனா்.

முன்னதாக முன்னாள் நகா்மன்ற உறுப்பினா் ஏஎம்எஸ். இப்ராஹிம் பாபு வரவேற்றாா். கவிஞா் தங்கம் மூா்த்தி தொகுப்புரை வழங்கினாா். நிறைவில், எம்ஏஜெ. யூசுப் ராஜா நன்றி கூறினாா். ஏற்பாடுகளை திவான் கலிபுல்லா நற்பணி மன்றம் செய்திருந்தது.