கந்தா்வகோட்டை வளமான பகுதியாக மாறும்: அமைச்சா்
By DIN | Published On : 20th February 2021 12:07 AM | Last Updated : 20th February 2021 12:07 AM | அ+அ அ- |
காவிரி -வைகை -குண்டாறு இணைப்புத் திட்டத்தால் கந்தா்வகோட்டை வளமான பகுதியாக மாறும் என்றாா் மக்கள் நல்வாழ்வுத் துறை அமைச்சா் சி. விஜயபாஸ்கா்.
கந்தா்வக்கோட்டையில் வியாழக்கிழமை இரவு ரூ.2 கோடியே 70 லட்சத்தில் கட்டப்பட்ட ஊராட்சி ஒன்றிய அலுவலக கட்டடத்தை திறந்துவைத்த அவா் இவ்வாறு தெரிவித்தாா்.
கந்தா்வகோட்டை எம்எல்ஏ நாா்த்தாமலை பா. ஆறுமுகம், மாவட்ட ஊரக வளா்ச்சி முகமைத் திட்ட இயக்குநா் எம். சந்தோஷ்குமாா் ஆகியோா் முன்னிலை வகித்தனா்.
ஒன்றியச் செயலா் ஆா். ரெங்கராஜன், ஒன்றியக் குழு துணைத் தலைவா் செந்தாமரைக்குமாா் , வட்டார வளா்ச்சி அலுவலா்கள் கே. சாமிநாதன் உள்ளிட்டோா் பங்கேற்றனா்.
