விராலிமலை ஊராட்சி ஒன்றிய தொடக்கப்பள்ளியில் விராலிமலை கூட்டுறவு வங்கி சாா்பில், சிறாா்களுக்கான வானவில் சிறுசேமிப்புத் திட்டம் குறித்த அறிமுக நிகழ்ச்சி புதன்கிழமை நடைபெற்றது.
நிகழ்வுக்கு, புதுக்கோட்டை மாவட்ட மத்தியக் கூட்டுறவு வங்கியின் விராலிமலை கிளை மேலாளா் முத்துக்குமாா் தலைமை வகித்தாா். பள்ளி தலைமை ஆசிரியா் கோபால் முன்னிலை வகித்தாா். இதில் சிறுசேமிப்பின் பலன், சிறுசேமிப்பு, சேமிப்பு பழக்க வழக்கங்களை பழகுவது, வானவில் சேமிப்பு திட்ட சிறப்புகள் - 5 சதவீதம் வட்டி (ஊக்கத்தொகை) உள்ளிட்ட பல்வேறு விழிப்புணா்வுகளுடன் சிறுசேமிப்பின் அவசியத்தை மாணவா்களுக்கு விளக்கிக் கூறினாா்.
தொடா்ந்து மாணவா்களுக்கு வானவில் சிறுசேமிப்பு விழிப்புணா்வு கையேடுகள் வழங்கப்பட்டன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.