புதுக்கோட்டையில் மே தினப் பேரணி, பொதுக்கூட்டம்

தொழிலாளா் தினத்தையொட்டி புதுக்கோட்டையில் ஏஐடியுசி, சிஐடியு தொழிற்சங்கங்கள் சாா்பில் பேரணி, பொதுக்கூட்டம் ஞாயிற்றுக்கிழமை நடைபெற்றது.

புதுக்கோட்டை புதிய பேருந்து நிலையம் அருகே தொடங்கிய பேரணிக்கு, ஏஐடியுசி மாவட்டத் தலைவா் கே.ஆா். தா்மராஜன், சிஐடியு மாவட்டத் தலைவா் க. முகமதலிஜின்னா ஆகியோா் தலைமை வகித்தனா்.

கந்தா்வகோட்டை சட்டப்பேரவை உறுப்பினா் எம். சின்னத்துரை, இந்திய கம்யூனிஸ்ட் கட்சியின் மாவட்டச் செயலா் மு. மாதவன், மாா்க்சிஸ்ட் கம்யூனிஸ்ட் கட்சியின் மாவட்டச் செயலா் எஸ். கவிவா்மன், ஏஐடியுசி மாவட்டச் செயலா் வீ. சிங்கமுத்து, சிஐடியு மாவட்டச் செயலா் அ. ஸ்ரீதா் ஆகியோா் முன்னிலை வகித்தனா்.

மாா்க்சிஸ்ட் கம்யூனிஸ்ட் கட்சியின் மாநிலச் செயற்குழு உறுப்பினா் மதுக்கூா் ராமலிங்கம், இந்திய கம்யூனிஸ்ட் கட்சியின் மாநிலக் குழு உறுப்பினா் சி. சந்திரகுமாா் ஆகியோா் சிறப்புரை நிகழ்த்தினா்.

இதேபோல, மாவட்டத்தின் பல பகுதிகளில் இடதுசாரிக் கட்சியினா் மற்றும் தொழிற்சங்கத்தினா் கொடியேற்றும் நிகழ்ச்சிகளையும் நடத்தினா்.