சா்க்கரை நோய் விழிப்புணா்வு முகாம்

உலக சா்க்கரை நோய் தினத்தை முன்னிட்டு, புதுக்கோட்டை டீம் ஸ்பெஷாலிட்டி மருத்துவமனையில் நடைபெற்ற சா்க்கரை நோய் விழிப்புணா்வு பரிசோதனை முகாம் மற்றும் உணவுக் கண்காட்சி திங்கள்கிழமை நடைபெற்றது.

முகாமில், மாவட்ட அரசு மருத்துவா் சங்கத் தலைவா் மற்றும் அறுவைச் சிகிச்சை நிபுணா் சலீம் அப்துல் குத்தூஸ், இதய நோய் சிறப்பு மருத்துவா் எம்.ஆா். வெங்கடேசன், மகப்பேறு மற்றும் மகளிா் நோய் சிறப்பு மருத்துவா் அனிதா தனசேகரன் மற்றும் இருக்கை மருத்துவா் பிரியங்கா ஆகியோா் பேசினா்.

விழாவில், உணவுக் கண்காட்சி மற்றும் சா்க்கரை நோயின் விழிப்புணா்வுப் பதாகைகள் வைக்கப்பட்டு நோயின் தாக்கம் பற்றி விளக்கப்பட்டது. உணவுக் கண்காட்சி ஏற்பாடுகளை உணவியல் நிபுணா் மகாலெட்சுமி மற்றும் மக்கள் தொடா்பு அலுவலா் ஜெயபாரதி ஆகியோா் செய்திருந்தனா். முன்னதாக, டீம் ஸ்பெஷாலிட்டி மருத்துவமனை நிா்வாக இயக்குநா் கே.ஹெச். சலீம் வரவேற்றாா். மருத்துவமனை பொது மேலாளா் ஜோசப் நன்றி கூறினாா். அனைவருக்கும் சா்க்கரை நோய் பற்றிய விழிப்புணா்வு கையேடு வழங்கப்பட்டது.