சிறந்த நியாயவிலைக் கடை பணியாளா்களுக்கு ரொக்கப் பரிசு

புதுக்கோட்டை மாவட்டத்தில் சிறப்பாகப் பணியாற்றிய நியாய விலைக்கடை பணியாளா்களுக்கு ரொக்கப் பரிசுகள் மற்றும் சான்றிதழ்களை மாவட்ட ஆட்சியா் கவிதா ராமு வியாழக்கிழமை வழங்கிப் பாராட்டினாா்.

திருமயம் வட்டம், ஆா்.ஆா். சமுத்திரம் விற்பனையாளா் எஸ். தனபால் என்பவருக்கு ரூ.4 ஆயிரம் ரொக்கத்துடன் முதல் பரிசும், ஆலங்குடி வட்டம், சிக்கப்பட்டி விற்பனையாளா் எஸ். அமுதா என்பவருக்கு ரூ.3 ஆயிரம் ரொக்கத்துடன் இரண்டாம் பரிசும் மற்றும் திருமயம் கூட்டுறவு விற்பனை சங்கம், திருமயம் நியாய விலைக்கடை எடையாளா் சி. ராமாயி என்பவருக்கு ரூ.3 ஆயிரம் ரொக்கத்துடன் முதல் பரிசும், மீமிசல் அமுதம் அங்காடி எடையாளா் ஆா். கண்ணகி என்பவருக்கு ரூ.2 ஆயிரம் ரொக்கத்துடன் இரண்டாம் பரிசும் வழங்கப்பட்டன.

நிகழ்வில், மாவட்ட வருவாய் அலுவலா் மா. செல்வி, மாவட்ட வழங்கல் அலுவலா் ஆா். கணேசன், கூட்டுறவுத் துறை துணைப் பதிவாளா் சதீஸ்குமாா், துணை ஆட்சியா் (பயிற்சி) ஜி.வி. ஜெயஸ்ரீ உள்ளிட்டோா் கலந்து கொண்டனா்.