இலுப்பூா், அன்னவாசலில் குழந்தைகள் தின விழா

விராலிமலை: புத்கோட்டை மாவட்டம், இலுப்பூா், அன்னவாசல், விராலிமலையில் குழந்தைகள் தினவிழா செவ்வாய்க்கிழமை நடைபெற்றது.

இலுப்பூா், விராலிமலை, அன்னவாசல் பகுதிகளில் உள்ள அரசு மற்றும் அரசு உதவி பெறும் பள்ளி, தனியாா் பள்ளி, ஒருங்கிணைந்த குழந்தைகள் வளா்ச்சி திட்டம் மூலம் செயல்படுத்தப்படும் அங்கன்வாடிமையங்கள் உள்ளிட்டவைகளில் குழந்தைகள் தினவிழா செவ்வாய்க்கிழமை கொண்டாடப்பட்டது.

இதில், மாணவ, மாணவிகளின் கலை நிகழ்ச்சிகள் நடத்தப்பட்டு சிறப்பிடம் பெற்றவா்களுக்கு பல்வேறு பரிசுகள் வழங்கப்பட்டது. விழாவில் பெற்றோா் ஆசிரியா் கழகம், பள்ளி மேலாண்மை குழுவினா், பெற்றோா்கள் பலா் பங்கேற்றனா்.

மாணவிகளுக்கு விருந்து: விராலிமலை அரசு பெண்கள் மேல்நிலைப்பள்ளியில் குழந்தைகள் தின விழா கொண்டாட்டத்தின் ஒரு பகுதியாக செவ்வாய்க்கிழமை மாணவிகளுக்கு பெற்றோா் ஆசிரியா் கழகம் சாா்பில் அசைவ விருந்தளிக்கப்பட்டது. முன்னதாக, மாணவிகளின் பல்வேறு கலை நிகழ்ச்சிகளும் பல்வேறு விளையாட்டு, பேச்சு ,கட்டுரை,ஓவியம் உள்ளிட்ட பல்வேறு போட்டியில் பங்கேற்று சிறப்பிடம் பெற்ற மாணவிகளுக்கு பரிசுகள், சான்றிதழ் வழங்கப்பட்டது. அதனை தொடா்ந்து மாணவிகள், ஆசிரியா்கள் அனைவருக்கும் மதிய விருந்தளிப்பட்டது.

விழாவுக்கு பள்ளி தலைமை ஆசிரியா் ஜெயந்தி தலைமை வகித்தாா், பெற்றோா் ஆசிரியா் கழகத்தலைவா் செந்தில்நாதன், துணைத்தலைவா் கவுதமன், பள்ளி மேலாண்மை குழுத்தலைவி புவனேஸ்வரி, கல்வியாளா் பாலசுப்பிரமணியன், வடுகபட்டி ஊராட்சி உறுப்பினா் ரஞ்சித் உள்ளிட்டோா் பங்கேற்றனா்.