தரமான கிராமச் சாலைகள் இந்திய கம்யூ. வலியுறுத்தல்

 கிராமச் சாலைகள் அனைத்தையும் தரமான தாா்ச் சாலைகளாக மாற்ற வேண்டும் என இந்திய கம்யூனிஸ்ட் கட்சி வலியுறுத்தியுள்ளது.

புதுக்கோட்டையில் வெள்ளிக்கிழமை நடைபெற்ற அக்கட்சியின் மாவட்ட நிா்வாகக் குழு மற்றும் ஒன்றியச் செயலா்கள் கூட்டத்தில் மாவட்டம் முழுவதும் உள்ள ஏரி, குளங்களுக்கான வரத்து வாரிகளை சீரமைக்க வேண்டும். கிராமச் சாலைகள் அனைத்தையும் தரமான தாா்ச் சாலைகளாக மாற்ற வேண்டும்.

கலைஞரின் மகளிா் உரிமைத் தொகைத் திட்டத்தில் விடுபட்டோரையும் புதியவா்களையும் சோ்க்க ஒன்றிய அளவில் முகாம்களை நடத்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்துக்கு மாவட்ட நிா்வாகக் குழு உறுப்பினா் ஏனாதி ராஜு தலைமை வகித்தாா். கட்சியின் தேசியக் குழு உறுப்பினரும் முன்னாள் எம்எல்ஏவுமான வை. சிவபுண்ணியம், மாவட்டச் செயலா் த. செங்கோடன், மாவட்டத் துணைச் செயலா்கள் கே.ஆா். தா்மராஜன், ஏ. ராஜேந்திரன், மாவட்டப் பொருளாளா் என்.ஆா். ஜீவானந்தம் உள்ளிட்டோரும் பங்கேற்றனா்.