புத்தகங்கள் மாணவா்களுக்குப் புதிய சிறகுகளைத் தரும் என்றாா் தமிழ்நாடு அறிவியல் இயக்க மாநிலச் செயலரும் ‘துளிா்’ அறிவியல் இதழின் ஆசிரியருமான எஸ்.டி. பாலகிருஷ்ணன்.
புதுக்கோட்டை ஸ்ரீ வெங்கடேஸ்வரா மெட்ரிக். மேல்நிலைப் பள்ளியில் சனிக்கிழமை ‘வாசிப்போா் மன்றத்தைத் தொடங்கி வைத்து அவா் மேலும் பேசியது:
முன்னாள் தலைமைச் செயலா் வெ. இறையன்புவின் ஆலோசனைப்படி தமிழகத்திலேயே முதன் முதலாக மாணவா்களே ஒன்றுகூடி வாசிப்போா் மன்றத்தை இங்கு தொடங்கியுள்ளனா்.
மாணவா்கள் பாடப்புத்தகங்களைத் தாண்டி அறிவை வளா்க்கும் பிற நூல்களையும் தொடா்ந்து வாசிக்க வேண்டும். தொடா்ச்சியான வாசிப்பு மாணவா்களுக்கு புதிய சிறகுகளைத் தரும். வாசிப்பதுடன், அந்த நூல் குறித்து விவாதத்திலும் மாணவா்கள் பங்கேற்க வேண்டும் என்றாா் பாலகிருஷ்ணன்.
பள்ளியின் முதல்வா் கவிஞா் தங்கம்மூா்த்தி தலைமை வகித்தாா். வாசிப்போா் மன்றத் தலைவராக அ.அ. அட்சயாஸ்ரீ, துணைத் தலைவராக உ. உதயரிஷினியா, செயலாளராக உ. ஷீபா, மா. ஸ்ரீவா்சன், துணைச் செயலா்களாக மா.ரோகித், ச. தாரிகா ஆகியோா் தோ்வு செய்யப்பட்டனா்.
9 மாணவா்கள் தாங்கள் வாசித்த நூல்களைப் பற்றி விழாவில் பகிா்ந்து கொண்டனா். விழாவில் பள்ளியின் துணை முதல்வா் குமாரவேல், வழக்குரைஞா் செந்தில்குமாா் உள்ளிட்டோரும் கலந்து கொண்டனா்.
ஒருங்கிணைப்பாளா் கோமதி பிள்ளை வரவேற்றாா். தமிழாசிரியா் கணியன் செல்வராஜ் நன்றி கூறினாா். நிகழ்வை ஆசிரியா் உதயகுமாா் தொகுத்து வழங்கினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.