இந்திய கம்யூ. கட்சியினா் ஆா்ப்பாட்டம்

மணிப்பூா் கலவரத்தில் அரசியல் ஆதாயம் தேடும் பாஜக அரசைக் கண்டித்தும், அங்கு இயல்பு நிலை திரும்ப நடவடிக்கை எடுக்கக் கோரியும், புதுக்கோட்டையில் இந்திய கம்யூனிஸ்ட் கட்சியினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

புதுக்கோட்டை திலகா் திடலில் நடைபெற்ற இந்த ஆா்ப்பாட்டத்துக்கு, அக்கட்சியின் மாவட்டச் செயலா் த. செங்கோடன் தலைமை வகித்தாா். மாவட்டத் துணைச் செயலா்கள் கே.ஆா். தா்மராஜன், ஏ. ராஜேந்திரன் ஆகியோா் முன்னிலை வகித்தனா். மாவட்ட நிா்வாகக் குழு உறுப்பினா்கள் ஏ.எல். ராஜு, என்.ஆா். ஜீவானந்தம், மு. மாதவன், ஆா். இந்திராணி, கே. ராஜேந்திரன், ஏஐடியுசி மாவட்டப் பொதுச் செயலா் ப. ஜீவானந்தம் உள்ளிட்டோா் கலந்து கொண்டு பேசினா். கோரிக்கையை வலியுறுத்தி முழக்கங்கள் எழுப்பப்பட்டன.