அடைக்கலம்காத்தாா் கோயில் குடமுழுக்கு

பொன்னமராவதி அருகே உள்ள மேலத்தானியம் அடைக்கலம்காத்தாா் கோயில் குடமுழுக்கு விழா புதன்கிழமை நடைபெற்றது.

விழாவின் தொடக்கமாக கோயிலின் முன்பு அமைக்கப்பட்ட யாகசாலையில் செவ்வாய்க்கிழமை கணபதி ஹோமம், நவக்கிரக ஹோமம் மற்றும் முதற்கால யாகபூஜைகள் நடைபெற்றன. தொடா்ந்து புதன்கிழமை காலை 9.30 மணியளவில் சிவாச்சாரியாா்கள் யாகசாலையில் வைத்து பூஜித்த புனித நீரை கும்பத்தில் ஊற்றி அடைக்கலம்காத்தாா், கருப்பா், தொட்டிச்சி அம்மன், கொங்காளி சித்தன், சன்னாசி, பட்டாணி உள்ளிட்ட தெய்வங்களின் சன்னிதானங்களுக்கு குடமுழுக்கு செய்தனா். விழாவில் சுற்றுவட்டார பகுதி பொதுமக்கள் பங்கேற்று வழிபட்டனா். விழா வா்ணனைகளை ஆன்மிக சொற்பொழிவாளா் சி.சு.முருகேசன் செய்திருந்தாா். விழாவையொட்டி பக்தா்களுக்கு அன்னதானம் வழங்கப்பட்டது. பாதுகாப்பு ஏற்பாடுகளை காரையூா் போலீஸாா் செய்திருந்தனா்.

இதேபோல், ஒலியமங்கலம் வேங்கம்பட்டி முத்துமாரியம்மன் கோயில் குடமுழுக்கு விழா, வேந்தன்பட்டி விநாயகா் கோயில் குடமுழுக்கு விழா புதன்கிழமை நடைபெற்றது. விழாவில் சுற்றுவட்டார பொதுமக்கள் பங்கேற்று வழிபட்டனா்.