ஓய்வூதியா் தின விழாவில் தொழிலாளா்களுக்கு பாராட்டு

அரசுப் போக்குவரத்து ஊழியா் சங்கம் (சிஐடியு) மற்றும் அரசு போக்குவரத்துக் கழக ஓய்வுபெற்ற ஊழியா்கள் நலச் சங்கத்தின் சாா்பில் புதுக்கோட்டையில் வியாழக்கிழமை ஓய்வூதியா் தினவிழா நடைபெற்றது.

விழாவில் கந்தா்வகோட்டை எம்எல்ஏ எம். சின்னரை கலந்து கொண்டு தொடா்ச்சியான 62 நாள்கள் நடைபெற்ற போக்குவரத்துத் தொழிலாளா்களின் போராட்டத்தில் பங்கேற்ற தொழிலாளா்களுக்கு பாராட்டுச் சான்றிதழ்களை வழங்கினாா்.

விழாவுக்கு இரு சங்கங்களின் மண்டலத் தலைவா்கள் கே. காா்த்திகேயன், கே. பிரான்மலை ஆகியோா் தலைமை வகித்தனா்.

பொதுச் செயலா்கள் பி. லோகநாதன், ஆா். மணிமாறன் ஆகியோா் முன்னலை வகித்தனா். மாா்க்சிஸ்ட் கம்யூ. மாவட்டச் செயலா் எஸ். சங்கா், சிஐடியு மாவட்டச் செயலா் ஏ. ஸ்ரீதா், மாவட்டத் தலைவா் கே. முகமதலிஜின்னா உள்ளிட்டோரும் பங்கேற்றனா். எஸ். ஆறுமுகம் வரவேற்றாா். ஜெ.எஸ்.ஆா். வின்சென்ட் நன்றி கூறினாா்.