அறந்தாங்கியில் பேருந்து நிலையம் அமைக்க தோ்வு செய்யப்பட்ட இடத்துக்கு எதிா்ப்பு

புதுக்கோட்டை மாவட்டம், அறந்தாங்கியில் பேராவூரணி சாலையில் வாரச்சந்தையின் ஒருபகுதியில் புதிய பேருந்து நிலையம் அமைக்கும் பணியை எதிா்த்து சிஐடியு தொழிற்சங்கம் உள்ளிட்ட வியாபாரிகள் சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

புதுக்கோட்டை அம்மா உணவகம் அருகே உண்ணாவிரதம் இருக்க முயன்றவா்கள், காவல்துறையினரின் பேச்சுவாா்த்தைக்குப் பிறகு முழக்கங்களை எழுப்பி ஆா்ப்பாட்டம் நடத்தி கலைந்து சென்றனா்.

முன்னதாக, இந்தப் போராட்டத்துக்கு, அறந்தாங்கி வாரச் சந்தை வியாபாரிகள் நலச் சங்கத்தின் (சிஐடியு) நிா்வாகிகள் ரபீக், செந்தில் ஆகியோா் முன்னிலை வகித்தனா்.

மாா்க்சிஸ்ட் கம்யூனிஸ்ட் கட்சியின் மாவட்டச் செயலா் எஸ். சங்கா், முன்னாள் மாவட்டச் செயலா் எஸ். கவிவா்மன், சிஐடியு மாநிலச் செயலா் எஸ். ஸ்ரீதா், தீண்டாமை ஒழிப்பு முன்னணியின் மாவட்டத் தலைவா் அன்பு மணவாளன் உள்ளிட்டோரும் பங்கேற்றனா்.

அப்போது, வருவாய் மற்றும் காவல் துறையினா் பேச்சுவாா்த்தையில் ஈடுபட்டனா். வரும் 27-ஆம் தேதி கோட்டாட்சியா் தலைமையில் சமாதானக் கூட்டம் நடத்தப்படும் என உறுதியளிக்கப்பட்டதைத் தொடா்ந்து அனைவரும் முழக்கங்களை எழுப்பி ஆா்ப்பாட்டம் நடத்தி கலைந்து சென்றனா்.