நவ. 10-இல் முதல்வா் ஸ்டாலின் புதுக்கோட்டை வருகை

தமிழக முதல்வா் மு.க. ஸ்டாலின் பல்வேறு நிகழ்ச்சிகளில் பங்கேற்கும்விதமாக நவம்பா் 10 (திங்கள்கிழமை) முற்பகல் 11.30 மணிக்கு புதுக்கோட்டை வருகிறாா்.

கீரனூா் அருகேயுள்ள களமாவூா் மூகாம்பிகை பொறியியல் கல்லூரி வளாகத்திலுள்ள திடலில் நடைபெறும் அரசு விழாவில் பங்கேற்று, நலத் திட்ட உதவிகளை வழங்கி, மாவட்டத்தில் முடிவுற்ற திட்டப் பணிகளைத் தொடங்கி வைத்தும், புதிய திட்டப் பணிகளுக்கு அடிக்கல் நாட்டியும் அவா் பேசுகிறாா்.

இதற்காக மூகாம்பிகை கல்லூரி வளாகத்தை மாநில இயற்கை வளங்கள் துறை அமைச்சா் எஸ். ரகுபதி, மாநில பிற்படுத்தப்பட்டோா் நலத் துறை அமைச்சா் சிவ.வீ. மெய்யநாதன், மாவட்ட ஆட்சியா் மு. அருணா, வடக்கு மாவட்ட திமுக செயலா் கே.கே. செல்லப்பாண்டியன் ஆகியோா் சனிக்கிழமை நேரில் பாா்வையிட்டனா்.

பொதுமக்கள் உள்ளே வந்து செல்வதற்கான தாராளமான வழிகள் குறித்தும் ஆய்வு செய்யப்பட்டது. மழைக் காலமாக இருப்பதால் தரமான பந்தல், தண்ணீா் தேங்காமல் இருப்பதற்கான ஏற்பாடுகள், பொதுமக்களுக்கான குடிநீா், கழிப்பறை உள்ளிட்ட வசதிகள் மேற்கொள்வது குறித்தும் திட்டமிடப்பட்டது.

சென்னையிலிருந்து முதல்வரின் பாதுகாப்பு அதிகாரிகள் வந்து, இடத்தைப் பாா்த்து உறுதி செய்தபிறகு, சுமாா் 30 ஆயிரம் போ் பங்கேற்கும் வகையில் இந்தத் திடலில் பந்தல் அமைக்கும் பணிகள் விரைவில் தொடங்கவுள்ளதாக அரசுத் துறை வட்டாரங்கள் தெரிவித்தன.

திருச்சி மாவட்டம் ஸ்ரீரங்கம் தொகுதி திமுக சட்டப்பேரவை உறுப்பினா் மு. பழனியாண்டியின் குடும்ப விழாவில் காலை 10 மணிக்கு பங்கேற்றுவிட்டு, புதுக்கோட்டை வரும், முதல்வா் ஸ்டாலின் விழா முடிந்ததும் மீண்டும் திருச்சி செல்கிறாா்.