நீச்சல் போட்டியில் தங்கம் வென்ற மாணவா்களுக்குப் பாராட்டு விழா

புதுக்கோட்டை மாவட்டத்தில் முதல்வா் கோப்பைக்கான நீச்சல் போட்டியில் 3 தங்கப் பதக்கங்களை வென்ற ஸ்ரீ வெங்கடேஸ்வரா மெட்ரிக் மேல்நிலைப் பள்ளியின் மாணவா்களை அப்பள்ளியின் முதல்வா் தங்கம் மூா்த்தி, இயக்குநா் ரா. சுதா்சன் ஆகியோா் வியாழக்கிழமை பாராட்டினா்.

புதுக்கோட்டை மாவட்ட விளையாட்டுத் துறை சாா்பில் அண்மையில் நடைபெற்ற முதல்வா் கோப்பைக்கான நீச்சல் போட்டியில், ஸ்ரீ வெங்கடேஸ்வரா மெட்ரிக் பள்ளியின் 6ஆம் வகுப்பு மாணவி ம. சந்தோஷிகா 3 பிரிவுகளில் முதலிடம் பிடித்து 3 தங்கப் பதக்கங்களை வென்றாா். இதேபோல 8ஆம் வகுப்பு மாணவா் ம. நிஷாந்த், 3 பிரிவுகளில் 3 தங்கப் பதக்கங்களை வென்றாா். இவா்கள் இருவரும் பள்ளிக் கல்வித் துறை சாா்பில் நடத்தப்பட்ட பாரதியாா் பிறந்த நாள் மற்றும் குடியரசு தின நீச்சல் போட்டிகளிலும் பல்வேறு பரிசுகளைப் பெற்றுள்ளனா்.