நாளை வளைய சூரிய கிரகணம்: மாணவா்கள் பாா்க்க ஏற்பாடு

தஞ்சாவூா் மாவட்டத்தில் வளைய சூரிய கிரகணத்தை வியாழக்கிழமை (டிச.26) பள்ளி, கல்லூரி மாணவா்கள் பாா்த்து மகிழ தமிழ்நாடு அறிவியல் இயக்கம் ஏற்பாடு செய்துள்ளது.

வானில் வியாழக்கிழமை தோன்றும் ஒரு அதிசய நிகழ்வான வளைய சூரிய கிரகணம் பற்றி தமிழ்நாடு அறிவியல் இயக்கம் மாநிலம் முழுவதும் பள்ளி, கல்லூரிகளில் பல்வேறு விழிப்புணா்வு நிகழ்ச்சிகளை நடத்தியது. இதைத்தொடா்ந்து, வளைய சூரிய கிரகணத்தைப் பாா்வையிடுவதற்குத் தமிழ்நாடு அறிவியல் இயக்கம் ஏற்பாடு செய்துள்ளது.

இதுகுறித்து அறிவியல் இயக்க மாநிலத் துணைத் தலைவா் வெ. சுகுமாரன் தெரிவித்திருப்பது:

வளைய சூரிய கிரகண நிகழ்வுகளைப் பாா்ப்பதற்கு தஞ்சாவூா் திருமகள் மேல்நிலைப் பள்ளியில் மாணவா்களுக்கு 150 சூரிய ஒளி வடிகட்டி கண்ணாடி வழங்க கிளைச் செயலா் கமலா மூலம் ஏற்பாடு செய்யப்பட்டுள்ளது.

இதேபோல, ஒரத்தநாடு அருகேயுள்ள கக்கரை, பூவத்தூா், கண்ணந்தங்குடி மேலையூா், பாப்பாநாடு ஆகிய இடங்களில் உள்ள அரசுப் பள்ளிகளில் மாணவா்கள் பாா்ப்பதற்குச் சூரிய ஒளி வடிகட்டி கண்ணாடி வழங்க அறிவியல் இயக்க மாவட்டச் செயற்குழு உறுப்பினா் அருணாதேவி மூலமும், கும்பகோணம் பகுதியில் உள்ள பள்ளிகளுக்குக் கண்ணாடி வழங்க தாராசுரம் கிளைச் செயலா் மாதையன் மூலமும் ஏற்பாடு செய்யப்பட்டுள்ளது.

மேலும், கல்லூரி மாணவா்கள் வளைய சூரிய கிரகண நிகழ்வை பாா்ப்பதற்கும் ஏற்பாடு செய்யப்பட்டுள்ளது.

இதை முன்னிட்டு, தஞ்சாவூா் அருகே புதுமாத்துா் ஊராட்சி ஒன்றியத் தொடக்கப் பள்ளியில் விழிப்புணா்வு நிகழ்ச்சி திங்கள்கிழமை நடைபெற்றது.

இதில், இயக்கத்தின் தஞ்சாவூா் மாவட்டச் செயலா் லெ. முருகன் பேசுகையில், வியாழக்கிழமை வளைய சூரிய கிரகணம் எவ்வாறு தோன்றுகிறது, சூரிய கிரகணத்தை எவ்வாறு பாதுகாப்புடன் பாா்ப்பது, சூரியகிரகணம் பற்றிய பழங்கால மக்களின் நம்பிக்கைகள் மற்றும் சூரிய கிரகணம் எந்தெந்த இடங்களில் வளையம் போன்ற கிரகணமாகத் தென்படும்? பகுதி நேர சூரிய கிரகணமாக எப்பகுதியில் காணப்படும் உள்பட பல்வேறு தகவல்களை எடுத்துக் கூறினாா்.

பள்ளித் தலைமை ஆசிரியரும், தமிழ்நாடு அறிவியல் இயக்கத்தின் மாவட்டச் செயற்குழு உறுப்பினருமாகிய மு. மாலதி அறிவியல் இயக்கத்தின் மூலம் வழங்கப்படக்கூடிய சூரிய ஒளி வடிகட்டி கண்ணாடி சூரிய கதிா்களிலுள்ள அகச்சிவப்பு மற்றும் புற ஊதா கதிா்களை வடிகட்டி விடும் என மாணவா்களிடம் விளக்கினாா். தொடா்ந்து, பள்ளி மாணவா்கள் சூரிய கதிா் வடிகட்டி கண்ணாடி மூலம் சூரியனைக் கண்டு மகிழ்ந்தனா்.