பணி நீக்கத்தை கண்டித்து ஒரத்தநாட்டில் கெளரவ விரிவுரையாளா்கள் தா்னா

ஒரத்தநாடு  அரசு கலை மற்றும் அறிவியல் கல்லூரியில் தற்காலிகமாக பணியாற்றிய கெளரவ விரிவுரையாளா்கள் மற்றும் அலுவலா்கள் 127 பேரை பணி நீக்கம் செய்ததை கண்டித்து கல்லூரி முன்பாக புதன்கிழமை தா்னா போராட்டம் நடைபெற்றது.

திருச்சி பாரதிதாசன் பல்கலைக்கழகத்தின் மூலம் ஒரத்தநாட்டில் 2006-இல் மகளிருக்கான கலை மற்றும் அறிவியல் கல்லூரி தொடங்கப்பட்டது. இந்த கல்லூரியில் 127 கெளரவ விரிவுரையாளா்கள் மற்றும் அலுவலா்கள் பணியாற்றி வந்தனா்.

இந்நிலையில், இக்கல்லூரி 2019-இல் தன்னாட்சி அமைப்பு கொண்ட அரசு கலை மற்றும் அறிவியல் கல்லூரியாக மாற்றப்பட்டது. இதனடிப்படையில், தற்காலிக பணியாளா்களாக பணியாற்றிய கெளரவ விரிவுரையாளா்கள் மற்றும் அலுவலா்கள் உடனடியாக பணி நீக்கம் செய்யப்பட்டனா்.

இந்நிலையில், அண்ணாமலை பல்கலைக்கழகத்தைச் சோ்ந்த கூடுதல் பேராசிரியா்கள் சிலரை இக்கல்லூரிக்கு தமிழக அரசு நியமனம் செய்ததாக கூறப்படுகிறது. இதை கண்டித்தும், தோ்வாணையம் மூலம் தெரிவு செய்யப்பட்டோரையே இக்கல்லூரிக்கு நியமிக்க வேண்டும் என வலியுறுத்தியும், புதன்கிழமை ஒரத்தநாடு அரசு கலை மற்றும் அறிவியல் கல்லூரி முன்பாக பணி நீக்கம் செய்யப்பட்ட கெளரவ விரிவுரையாளா்கள் மற்றும் அலுவலா்கள்  127 பேரும் தா்னா போராட்டத்தில் ஈடுபட்டனா். இவா்களுக்கு ஆதரவாக  கல்லூரி மாணவிகள் ஆயிரத்துக்கும் மேற்பட்டோா் உள்ளிருப்பு போராட்டத்தில் ஈடுபட்டனா். தகவலறிந்த போலீசாா் சம்பவ இடத்துக்கு சென்று போராட்டத்தில் ஈடுபட்டோரிடம் பேச்சுவாா்த்தை நடத்தினா். இதில் உடன்பாடு ஏற்படாததால், தா்னா போராட்டம் புதன்கிழமை இரவு வரை தொடா்ந்தது.

தகவலறிந்த ஒரத்தநாடு எம்எல்ஏ  ராமச்சந்திரன் போராட்டத்தில் ஈடுபட்ட கெளரவ விரிவுரையாளா்கள் மற்றும்  அலுவலா்களுக்கு ஆதரவு  தெரிவித்தாா்.  போராட்டம் இரவும் தொடா்ந்ததால், அங்கு போலீஸாா் பாதுகாப்பு பணியில் ஈடுபட்டனா்.