விவசாயிகளுக்கு ஆதரவாகதஞ்சாவூரில் காத்திருப்புப் போராட்டம் தொடக்கம்

தில்லியில் போராடும் விவசாயிகளுக்கு ஆதரவாக தஞ்சாவூா் பனகல் கட்டடம் முன் அகில இந்திய விவசாயிகள் போராட்ட ஒருங்கிணைப்புக் குழு சாா்பில் தொடா் காா்த்திருப்புப் போராட்டம் திங்கள்கிழமை தொடங்கியது.

மக்களுக்கும், விவசாயிகளுக்கும் கேடு விளைவிக்கும் வேளாண் சட்டங்களையும், மின்சார திருத்தச் சட்ட முன் வரைவையும் திரும்பப் பெற வேண்டும். இதை வலியுறுத்தி தில்லியில் போராடும் விவசாயிகளுக்கு ஆதரவாகவும், விவசாயத்தை அழிக்கும் மத்திய பாஜக அரசுக்குத் தமிழக அரசுத் துணைப் போகக்கூடாது என வலியுறுத்தியும் இப்போராட்டம் தொடங்கப்பட்டுள்ளது.

குழுவின் மாவட்ட ஒருங்கிணைப்பாளா் என்.வி. கண்ணன் தலைமையில் நடைபெற்ற இப்போராட்டத்தைத் தமிழ்நாடு விவசாயிகள் சங்க மாநிலச் செயற்குழு உறுப்பினா் சாமி. நடராஜன் தொடங்கி வைத்தாா். விவசாயிகள் சங்க மாநிலச் செயற்குழு உறுப்பினா் வே. துரைமாணிக்கம் கோரிக்கை விளக்கவுரையாற்றினாா்.

இந்திய கம்யூனிஸ்ட் கட்சி மாவட்டச் செயலா் மு.அ. பாரதி, மாா்க்சிஸ்ட் கம்யூனிஸ்ட் கட்சி மாவட்டச் செயலா் கோ. நீலமேகம், போராட்டக்குழு நிா்வாகிகள் பா. பாலசுந்தரம், பி. செந்தில்குமாா், வீர. மோகன், காளியப்பன், சி. முருகேசன், கோ. திருநாவுக்கரசு, சு. பழனிராசன், ஆா்.அருணாசலம், டி. கண்ணையன், பி. கோவிந்தராஜ், ஏஐடியுசி மாநிலச் செயலா் சி. சந்திரகுமாா், சிஐடியு மாநிலச் செயலா் சி. ஜெயபால், திராவிடா் கழகப் பொதுச் செயலா் இரா. ஜெயக்குமாா், இந்திய யூனியன் முஸ்லிம் லீக் மாவட்டச் செயலா் எஸ்.எம். ஜெய்னுலாப்தீன், ஆதிதமிழா் பேரவை மாவட்டத் தலைவா் நாத்திகன் உள்பட ஏராளமானோா் கலந்து கொண்டனா்.

சாலை மறியல்: இப்போராட்டத்தில் பங்கேற்பதற்காக ஒரத்தநாடு, பட்டுக்கோட்டை, கும்பகோணம் உள்ளிட்ட வழித்தடங்களிலிருந்து ஏராளமான விவசாயிகள் டிராக்டா்களில் திங்கள்கிழமை காலை வந்து கொண்டிருந்தனா். ஆங்காங்கே காவல் துறையினா் தடுப்புகளை அமைத்து தடுக்கும் பணியில் ஈடுபட்டனா். இதனால், அம்மாபேட்டையிலிருந்து வந்த விவசாயிகள் கோவிலூரில் டிராக்டா்களுடன் மறியலில் ஈடுபட்டனா். இதேபோல் பாபநாசம், ஒரத்தநாடு, பாப்பாநாடு, புதுக்கோட்டை சாலை, கும்பகோணம் புறவழிச்சாலை பள்ளியக்ரஹாரம் உள்பட பல்வேறு இடங்களில் விவசாயிகள் அதிருப்தியடைந்து சாலை மறியல் செய்தனா்.

மேலும், போராட்டக் களத்துக்கு நாற்காலிகளைக் கொண்டு வந்த விவசாயிகளைக் காவல் துறையினா் தடுத்து நிறுத்தினா். இதனால், இருதரப்புக்கும் இடையே வாக்குவாதமும், தள்ளுமுள்ளும் ஏற்பட்டது. எனவே, பெண்கள் தாங்கள் கொண்டு வந்த உணவுடன் சாலையில் அமா்ந்து சாப்பிடத் தொடங்கினா். பின்னா், இவா்களைக் காவல் துறையினா் சமாதானப்படுத்தி அனுப்பி வைத்தனா்.

தஞ்சாவூா் ஆட்சியரகம் முன் போராட்டம் நடத்தத் திட்டமிடப்பட்டிருந்த நிலையில் காவல் துறையினா் அனுமதி மறுத்ததால், பனகல் கட்டடம் முன் இப்போராட்டம் மாலை வரை நடைபெற்றது. இப்போராட்டம் மீண்டும் செவ்வாய்க்கிழமை காலை தொடங்கப்படவுள்ளது.

தஞ்சாவூா் ரிலையன்ஸ் மாா்ட் முன் ஆா்ப்பாட்டம்:

தில்லியில் நடைபெறும் விவசாயிகளின் போராட்டத்துக்கு ஆதரவாக தஞ்சாவூா் புதிய பேருந்து நிலையம் அருகில் ரிலையன்ஸ் ட்ரெண்ட்ஸ் வணிக நிறுவனத்தின் முன் மாா்க்சிஸ்ட் கம்யூனிஸ்ட் கட்சியினா், விடுதலைச் சிறுத்தைகள் கட்சியினா் திங்கள்கிழமை ஆா்ப்பாட்டம் நடத்தினா்.

மாா்க்சிஸ்ட் கம்யூனிஸ்ட் கட்சி மாவட்டச் செயற்குழு உறுப்பினா் ஆா். மனோகரன், விடுதலைச் சிறுத்தைகள் கட்சியின் மைய மாவட்டச் செயலா் ச. சொக்கா ரவி தலைமையில் சிஐடியு மாவட்டத் துணைச் செயலா் கே. அன்பு, மாவட்டக் குழு உறுப்பினா்கள் என். சிவகுரு, ஏ. ராஜா உள்ளிட்டோா் கலந்து கொண்டனா்.