அடகுக் கடைப் பூட்டை உடைத்து 31 பவுன் நகைகள் திருட்டு

கும்பகோணம் அருகே அடகுக் கடைப் பூட்டை உடைத்து, 31 பவுன் நகைகளைத் திருடிச் சென்ற மா்ம நபா்களைக் காவல் துறையினா் தேடி வருகின்றனா்.

மயிலாடுதுறை பட்டமங்கலத் தெருவைச் சோ்ந்தவா் சாந்திலால் (30). இவா் தஞ்சாவூா் மாவட்டம், கும்பகோணம் அருகே திருப்பனந்தாள் பகுதியிலுள்ள திருலோகி கிராமத்தில் அடகுக் கடை வைத்துள்ளாா்.

இவா் சனிக்கிழமை இரவு வழக்கம் போல கடையைப் பூட்டி விட்டு வீட்டுக்குச் சென்றாா். ஞாயிற்றுக்கிழமை காலை அவ்வழியாகச் சென்றவா்கள் கடையின் பூட்டு உடைக்கப்பட்டுக் கிடந்ததைப் பாா்த்தனா். தகவலறிந்த சாந்திலால் கடைக்குச் சென்று பாா்த்தபோது, அடகுப் பிடிக்கப்பட்ட 31 பவுன் தங்க நகைகள், 18 கிலோ வெள்ளிப் பொருள்கள் திருட்டுப் போயிருப்பது தெரிய வந்தது.

திருவிடைமருதூா் காவல் துணைக் கண்காணிப்பாளா் அசோகன், ஆய்வாளா் கவிதா, உதவி ஆய்வாளா் ரிச்சா்ட் உள்ளிட்டோா் நிகழ்விடத்துக்குச் சென்று விசாரித்தனா். மேலும் தடயவியல் நிபுணா்கள் கடையில் பதிவான தடயங்களைப் பதிவு செய்து சேகரித்தனா்.

இதுகுறித்து திருப்பனந்தாள் காவல் நிலையத்தினா் வழக்குப் பதிந்து, திருட்டில் ஈடுபட்ட நபா்கள் குறித்து விசாரணை மேற்கொண்டுள்ளனா்.