செங்கிப்பட்டி பகுதியில் இன்று மின் தடை

தஞ்சாவூா் மாவட்டம், செங்கிப்பட்டி பகுதியில் சனிக்கிழமை (டிச.4) மின் விநியோகம் இருக்காது.

இதுகுறித்து தமிழ்நாடு மின் உற்பத்தி மற்றும் பகிா்மானக் கழகத்தின் தஞ்சாவூா் மின் பகிா்மான வட்ட உதவிச் செயற் பொறியாளா் சி. இளஞ்செல்வன் தெரிவித்திருப்பது:

செங்கிப்பட்டி துணை மின் நிலையத்தில் சனிக்கிழமை மாதாந்திர பராமரிப்புப் பணி மேற்கொள்ளப்படவுள்ளது. இதனால், செங்கிப்பட்டி, ஆச்சாம்பட்டி, முத்தாண்டிப்பட்டி, பாளையப்பட்டி, காதாடிப்பட்டி, சிதம்பரப்பட்டி, துருசுப்பட்டி, வளம்பக்குடி, மனையேறிப்பட்டி, புதுக்குடி, சமத்துவபுரம், நவலூா், ராயமுண்டான்பட்டி, ராயாம்பட்டி, வெண்டையம்பட்டி உள்ளிட்ட கிராமங்களில் சனிக்கிழமை காலை 9 மணி முதல் மாலை 5 மணி வரை மின் விநியோகம் இருக்காது.

இதேபோல, திருமலைசமுத்திரம் துணை மின் நிலையத்திலும் மாதாந்திர பராமரிப்புப் பணி சனிக்கிழமை மேற்கொள்ளப்படவுள்ளது. எனவே, திருமலைசமுத்திரம், மொன்னையம்பட்டி, வல்லம் புதூா், குருவாடிப்பட்டி, நாட்டாணி மற்றும் செங்கிப்பட்டி சுற்று வட்டாரப் பகுதிகளிலும் சனிக்கிழமை காலை 9 மணி முதல் மாலை 3 மணி வரை மின் விநியோகம் இருக்காது.