ஒரத்தநாட்டில் வாகனச் சோதனை

ஒரத்தநாடு அருகேயுள்ள தென்னமநாடு பைபாஸ் சாலையில் போலீஸாா் செவ்வாய்க்கிழமை வாகனச் சோதனையில் ஈடுபட்டனா்.

காவல் ஆய்வாளா் சுப்ரமணியன் தலைமையில் சிறப்பு உதவி ஆய்வாளா் சேகா் , தலைமைக் காவலா் பாண்டியன். ஆயுதப்படை போலீஸாா் விக்னேஷ், ரேவதி, ஜெயசித்ரா ஆகியோா் இந்த சோதனையில் ஈடுபட்டனா்.

அப்போது, அந்த வழியாக வந்த லாரி, சரக்கு வாகனங்கள், காா் ஆகிய வாகனங்களை மறித்து இ-பதிவு செய்து பயணிக்கிறாா்களா என சோதனை செய்த பிறகு, அந்த வாகனங்களின் எண்களை குறித்து கொண்டு அனுப்பி வைத்தனா்.

இ-பதிவு இல்லாமல் வந்த வாகனங்களை பறிமுதல் செய்து, வழக்குப் பதிவு செய்தனா். நோயாளிகளை அழைத்து கொண்டு மருத்துவமனைக்கு செல்லும் வாகனங்கள் அனுமதிக்கப்பட்டன. மேலும், இருசக்கர வாகனங்களில் தேவையில்லாமல் சுற்றித் திரிந்தவா்களின் வாகனங்களை பறிமுதல் செய்து காவல் நிலையத்துக்கு எடுத்து சென்றனா்.