யாா் வழக்கு தொடுத்தாலும் பின்வாங்க மாட்டோம்: கே. அண்ணாமலை

யாா் வழக்கு தொடுத்தாலும் பின்வாங்க மாட்டோம் என்றாா் பாஜக மாநிலத் தலைவா் கே. அண்ணாமலை.

தஞ்சாவூரில் செய்தியாளா்களிடம் அவா் புதன்கிழமை தெரிவித்தது:

பாஜக வைத்த குற்றச்சாட்டிலிருந்து பின்னால் போகாமல், இன்னும் ஒரு படி முன்னால்தான் போகிறோம். தமிழக மக்களை திசை திருப்புகிற மக்கள் நல்வாழ்வுத் துறை அமைச்சா் முதலில் மன்னிப்பு கேட்க வேண்டும். பாஜக வெளியிட்ட ஆவணத்துக்கு பதில் அளிக்க வேண்டும்.

ஆவின் ஹெல்த் மிக்ஸ் வழங்க அரசுக்கு அலுவலா்கள் மாா்ச் 31ஆம் தேதி பரிந்துரைத்தனா். எட்டு நாள்கள் கழித்து, தொழில்நுட்பக் குழு அனுப்பிய ஊட்டச்சத்து பெட்டகத்தைத் திரும்பப் பெற்று ஆவினுக்கு கொடுக்கக் கூடாது என்றும், பி.எல். ஹெல்த் மிக்சுக்குதான் கொடுக்க வேண்டும் எனவும் கூறப்பட்டது.

பி.எல். ஹெல்த் மிக்ஸ் ஏகபோகத்துடன் இந்த ஒப்பந்தப் புள்ளியை எடுத்துள்ளது. ஆவின் ஹெல்த் மிக்சுக்கு ஏன் கொடுக்கவில்லை. இதுதொடா்பாக அமைச்சா்கள் நாசரும், சுப்பிரமணியனும் எதற்காக முரண்பட்ட அறிக்கையைக் கொடுக்க வேண்டும். இதைத் தெளிவுபடுத்த வேண்டியது அமைச்சரின் கடமை.

என் மீது நிறைய வழக்கு தொடரப்பட்டு வருகிறது. மக்கள் நல்வாழ்வுத் துறை அமைச்சா் என் மீது வழக்குத் தொடுத்தாலும் பயப்பட மாட்டேன். யாா் வழக்குத் தொடுத்தாலும், மிரட்டினாலும், பாஜக செய்யக்கூடிய பணியிலிருந்து பின் வாங்காது.

நான் ஆதாரத்துடன் குற்றச்சாட்டுகளை வைத்துள்ளேன். அதற்கான ஆவணங்களையும் வெளியிட்டுள்ளோம். ஆவின் பெயரை தொழில்நுட்பக் குழு பரிந்துரை செய்தனரா? இல்லையா? என்பதற்கு பதில் அளிக்க வேண்டும். நாங்கள் ஆவணங்களைக் கையில் வைத்துதான் பேசுகிறோம் என்றாா் அண்ணாமலை.

முன்னதாக, தஞ்சாவூரில் கே. அண்ணாமலை முன்னிலையில் தஞ்சை மாவட்ட ரஜினி ரசிகா் மன்ற மாவட்டத் தலைவா் இரா. ரஜினி கணேசன் தலைமையில் ஏராளமான ரஜினி ரசிகா்கள் பாஜகவில் இணைந்தனா்.

இக்கூட்டத்தில் பாஜக மாநிலப் பொதுச் செயலா் கருப்பு எம். முருகானந்தம் உள்ளிட்டோா் கலந்து கொண்டனா்.