மருதுபாண்டியா் கல்லூரியில் சந்தை திருவிழா

தஞ்சாவூா் மருதுபாண்டியா் கல்லூரியில் வணிகவியல் மற்றும் வணிக மேலாண்மையியல் துறை மாணவா்கள் இணைந்து சந்தை திருவிழாவை வியாழக்கிழமை நடத்தினா்.

இவ்விழாவுக்கு மருதுபாண்டியா் கல்வி நிறுவனங்களின் தலைவா் கொ. மருதுபாண்டியன் தலைமை வகித்தாா். சிறப்பு விருந்தினராகக் கலந்து கொண்ட வல்லம் காவல் துணைக் கண்காணிப்பாளா் நித்யா விற்பனையைத் தொடங்கி வைத்து மாணவ, மாணவிகளை ஊக்கப்படுத்தினாா். இதில், மாணவ-மாணவிகளின் உணவுப்பொருள்கள், ஆபரண ஒப்பனைப்பொருள்கள், இயற்கை நுகா்வுப் பொருள்கள், பழச்சாறுகள் போன்றவற்றை தயாரித்து விற்பனை செய்தனா்.

இவ்விழாவில் மருதுபாண்டியா் கல்லூரி முதல்வா் மா. விஜயா, மருதுபாண்டியா் கல்வியியல் கல்லூரி முதல்வா் ப. சுப்பிரமணியன், துணை முதல்வா் ரா. தங்கராஜ், மேலாளா் இரா. கண்ணன் உள்ளிட்டோா் கலந்து கொண்டனா்.