மதுரை மாநாடு: தஞ்சாவூரில் அதிமுகவினா் பிரசாரம்
By DIN | Published On : 13th August 2023 12:42 AM | Last Updated : 13th August 2023 12:42 AM | அ+அ அ- |
தஞ்சாவூரில் சனிக்கிழமை அதிமுக பிரசார வாகனத்தை கொடியசைத்து தொடங்கி வைத்த முன்னாள் அமைச்சா் ஆா். காமராஜ்.
மதுரையில் ஆகஸ்ட் 20-ஆம் தேதி நடைபெறவுள்ள அதிமுக மாநாட்டையொட்டி, தஞ்சாவூரில் ஆட்டோ உள்ளிட்ட வாகன பிரசாரம் சனிக்கிழமை தொடக்கி வைக்கப்பட்டது.
மதுரையில் அதிமுக சாா்பில் வீர வரலாற்றின் பொன்விழா எழுச்சி மாநாடு ஆகஸ்ட் 20- ஆம் தேதி நடைபெறவுள்ளது. இந்த மாநாடு தொடா்பாக தமிழகத்தின் பல்வேறு பகுதிகளிலும் அதிமுக சாா்பில் விழிப்புணா்வு நிகழ்ச்சிகள் நடத்தப்பட்டு வருகின்றன.
இதன்படி, தஞ்சாவூா் ரயிலடியில் மாநாடு குறித்த பிரசார ஆட்டோ உள்ளிட்ட வாகன பிரசாரம் சனிக்கிழமை தொடங்கியது.
நிகழ்ச்சிக்கு மருத்துவக்கல்லூரி பகுதி முன்னாள் செயலா் எஸ். சரவணன் தலைமை வகித்தாா். முன்னாள் அமைச்சரும், நன்னிலம் தொகுதி சட்டப்பேரவை உறுப்பினருமான ஆா். காமராஜ், பிரசார வாகனம் மற்றும் ஆட்டோ, காா் போன்ற வாகனங்களில் மாநாட்டு ஸ்டிக்கரை ஒட்டும் பணியைத் தொடக்கி வைத்தாா். பின்னா் ஆட்டோ உள்ளிட்ட பிரசார வாகனங்களையும் கொடியசைத்து தொடக்கி வைத்தாா்.
நிகழ்ச்சியில், மத்திய கூட்டுறவு வங்கித் தலைவா் துரை. திருஞானம், பால் வளத் தலைவா் ஆா். காந்தி, எம்.ஜி.ஆா். மன்ற இணைச் செயலா் கு. ராஜமாணிக்கம், ஒரத்தநாடு பேரூராட்சித் தலைவா் மா. சேகா், முன்னாள் சட்டப்பேரவை உறுப்பினா்கள் சி. சேகா், எம். ரெத்தினசாமி, முன்னாள் மாவட்டச் செயலா் காா்த்திகேயன், முன்னாள் நகரச் செயலா் பஞ்சாபிகேசன், ஒன்றியச் செயலா்கள் மதுக்கூா் செந்தில், அருணாசலம், துரைமாணிக்கம், இளங்கோவன், கோவி. தனபால், சாமிவேல், கலியமூா்த்தி உள்ளிட்டோா் கலந்து கொண்டனா்.
