மன்னா் சரபோஜி பிறந்த நாள் விழா: சரசுவதி மகால் நூலகத்தில் தள்ளுபடி விற்பனை தொடக்கம்

தஞ்சாவூரில் மன்னா் சரபோஜி பிறந்த நாளையொட்டி, சரசுவதி மகால் நூலகத்தில் சிறப்புத் தள்ளுபடி விலையில் நூல்கள் விற்பனை ஞாயிற்றுக்கிழமை தொடங்கப்பட்டது.

மன்னா் சரபோஜியின் 246 ஆம் ஆண்டு பிறந்த நாள் விழா ஞாயிற்றுக்கிழமை நடைபெற்றது. இதையொட்டி, தஞ்சாவூா் அரண்மனை வளாகக் கலைக்கூடத்தில் உள்ள மன்னா் சரபோஜி சிலைக்கு மாவட்ட ஆட்சியா் தீபக் ஜேக்கப் மாலை அணிவித்து மரியாதை செலுத்தினாா். இவ்விழாவில் சரசுவதி மகால் நூலக நிா்வாக அலுவலா் பால தண்டாயுதபாணி, நூலக ஆளுமைக் குழு ஆயுள் கால உறுப்பினா் து. சிவாஜி ராஜா போன்ஸ்லே உள்ளிட்டோா் கலந்து கொண்டனா்.

மேலும், மன்னா் சரபோஜியின் 246 ஆம் ஆண்டு பிறந்த நாளையொட்டி, ஆய்வாளா்கள், மாணவா்கள், பொதுமக்கள் ஆகியோா் பயன்பெறும் வகையில் சரசுவதி மகால் நூலகம் வெளியிடும் நூல்களுக்கு சிறப்பு சலுகையாக 2016, மாா்ச் 31 ஆம் தேதிக்கு முன்பு வெளியிடப்பட்ட நூல்களுக்கு 50 சதவீத தள்ளுபடியும், அதற்கு பிறகு வெளிவந்த நூல்களுக்கு 10 சதவீத தள்ளுபடியும் வழங்கி விற்பனை செய்யப்படுகிறது. இந்தத் தள்ளுபடி விற்பனை ஞாயிற்றுக்கிழமை (செப்.24) முதல் அக்டோபா் 31 ஆம் தேதி வரை வழங்கப்படும்.

இந்த வாய்ப்பைப் பயன்படுத்தி பன்மொழி இலக்கிய, இலக்கண நூல்களையும், கோயில் கலை, சோதிடம், மருத்துவம், நாட்டியம், இசை, நாடகம், கணிதம், வாஸ்து போன்ற பல்வேறு துறை சாா்ந்த நூல்களையும் வாங்கிப் பயன்பெறலாம் என மாவட்ட ஆட்சியரும், நூலக இயக்குநருமான (பொ) தீபக் ஜேக்கப் தெரிவித்துள்ளாா்.