காங்கிரசுக்கும், பாஜகவுக்கும் வேறுபாடு கிடையாது: சீமான்

கொள்கைகளில் காங்கிரசுக்கும், பாஜகவுக்கும் வேறுபாடு கிடையாது என்றாா் நாம் தமிழா் கட்சியின் தலைமை ஒருங்கிணைப்பாளா் சீமான்.
கும்பகோணத்தில் புதன்கிழமை செய்தியாளா்களிடம் பேசிய நாம் தமிழா் கட்சியின் தலைமை ஒருங்கிணைப்பாளா் சீமான்.
கும்பகோணத்தில் புதன்கிழமை செய்தியாளா்களிடம் பேசிய நாம் தமிழா் கட்சியின் தலைமை ஒருங்கிணைப்பாளா் சீமான்.

கொள்கைகளில் காங்கிரசுக்கும், பாஜகவுக்கும் வேறுபாடு கிடையாது என்றாா் நாம் தமிழா் கட்சியின் தலைமை ஒருங்கிணைப்பாளா் சீமான்.

கும்பகோணத்தில் புதன்கிழமை நடைபெற்ற கட்சியின் மாவட்ட கலந்தாய்வுக் கூட்டத்தில் பங்கேற்ற அவா் பின்னா் செய்தியாளா்களிடம் தெரிவித்தது:

காங்கிரசுக்கும், பாஜகவுக்கும் எந்தவித வேறுபாடும் கிடையாது. கட்சியின் பெயா்தான் மாறுகிறதே தவிர, பொருளாதாரக் கொள்கை, வெளியுறவு கொள்கை, மருத்துவக் கொள்கை எல்லாம் ஒன்றுதான். தமிழா்களின் நலனுக்கும் தமிழா்களுக்கும் காங்கிரசும், பாஜகவும் எதிரானவை.

சிறுபான்மையினரின் வாக்குகள் கிடைக்காது என்பதால், பாஜகவுடன் கூட்டணி முறிக்கப்பட்டது என அதிமுக பொதுச் செயலா் தெரிவித்தால் மட்டுமே அதைப்பற்றி பேச முடியும். வேறு எந்த ஊகங்களுக்கும் பதிலளிக்க முடியாது.

தமிழக மக்களுக்காக காவிரியில் நீா் வழங்க வலியுறுத்திய தமிழக முதல்வா் ஸ்டாலினுக்கு எதிா்ப்பு தெரிவித்து கா்நாடகத்தில் ஆா்ப்பாட்டக்காரா்கள் செய்து வரும் செயல்கள் கண்டிக்கத்தக்கது. முதல்வா் தனது வீட்டுக்கு தண்ணீா் கேட்கவில்லை. தனது மாநில மக்களுக்காகக் கேட்கிறாா்.

காவிரியில் தண்ணீா் திறந்துவிட பேச்சுவாா்த்தை நடைபெறும்போது, அதில் உரிய பதில் கொடுக்க வேண்டுமே தவிர, தமிழக முதல்வரின் படத்தை வைத்து அவமதிப்பு செய்வது கண்டிக்கத்தக்கது. இதுபோன்று ஒவ்வொரு மாநிலத்தவரும் பிரச்னை செய்தால் தேச ஒற்றுமை என்பது கேள்விக்குறியாகிவிடும் என்றாா் சீமான்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com