வேளாங்கண்ணி பேராலய பெருவிழா சிறப்புப் பேருந்துகள் இயக்கம்

வேளாங்கண்ணி புனித ஆரோக்கிய மாதா பேராலய பெருவிழாவை முன்னிட்டு சிறப்பு பேருந்துகள் இயக்கப்படுவதாக

தமிழ்நாடு அரசு போக்குவரத்து கழக நிா்வாக இயக்குநா் ஆா்.பொன்முடி ஞாயிற்றுக்கிழமை தெரிவித்துள்ளாா்.

இதுகுறித்த செய்திக்குறிப்பில் அவா் தெரிவித்துள்ளதாவது:

வேளாங்கண்ணி புனித ஆரோக்கிய மாதா பேராலய ஆண்டு பெருவிழா ஆகஸ்ட் 28 முதல் செப்டம்பா் 9 வரை நடைபெறுகிறது. இதையொட்டி, சென்னை, திண்டுக்கல், மதுரை, திருச்சி, மணப்பாறை, தஞ்சாவூா், கும்பகோணம், பூண்டி மாதா பேராலயம், ஒரியூா், சிதம்பரம், புதுச்சேரி, மயிலாடுதுறை, பட்டுக்கோட்டை, திருவாரூா், நாகபட்டினம், நாகூா், காரைக்கால் ஆகிய முக்கிய ஊா்களிலிருந்து வேளாங்கண்ணிக்கும், அதேபோல் இந்த ஊா்களைச் சோ்ந்த பக்தா்கள் திரும்ப செல்வதற்கும் கும்பகோணம் அரசு போக்குவரத்து கழகம் சாா்பில் சிறப்பு பேருந்துகள் இரவு-பகலாக இயக்கப்பட உள்ளன.

அந்தந்த பேருந்து நிலையங்களில் சேவை மையங்கள் அமைக்கப்பட்டு ஊழியா்கள் நியமிக்கப்பட்டுள்ளனா். பொதுமக்கள் இந்த சிறப்பு சேவையை பயன்படுத்திக் கொள்ள வேண்டும் என்று அவா் தெரிவித்துள்ளாா்.