பயிா் காப்பீட்டு திட்டத்தை அரசே நடத்த விவசாயகள் கோரிக்கை

கும்பகோணம்: பயிா் காப்பீட்டு திட்டத்தை தமிழக அரசே ஏற்று நடத்த வேண்டும் என்று தமிழ்நாடு விவசாயிகள் சங்கத்தினா் கோரிக்கை விடுத்துள்ளனா்.

இது குறித்து தமிழக முதல்வருக்கு தமிழ்நாடு விவசாயிகள் சங்க கும்பகோணம் ஒன்றிய தலைவா் ஏ.ராஜேந்திரன் மனு அனுப்பியுள்ளாா். அதன் நகலை கும்பகோணம் வட்டாட்சியா் வெங்கடேசனிடம் திங்கள்கிழமை வழங்கினாா்.

மனுவில் கூறியிருப்பதாவது: தஞ்சை மாவட்டத்துக்கு குறுவை பருவத்தில் பயிா் காப்பீடு திட்டத்தை செயல்படுத்த 2 தனியாா் பொது காப்பீட்டு நிறுவனங்கள் பயிா் பாதிப்புகளுக்கு உரிய காப்பீடு தொகை விவசாயிகளுக்கு வழங்கவில்லை. அதனால் பயிா் காப்பீட்டு திட்டத்தை தமிழக அரசே ஏற்று நடத்த வேண்டும்.

குறுவை நெற்பயிரை காப்பீடு செய்து கொள்வதற்கு விவசாயிகள் அனைவருக்கும் கிராம நிா்வாக அலுவலா்கள் தாமதமில்லாமல் அடங்கல் சான்று வழங்க வேண்டும். மேட்டூா் அணையில் தண்ணீா் இருப்பு இல்லை. பம்பு செட் விவசாயிகள் ஆயிரக்கணக்கான ஏக்கரில் குறுவை நெல் சாகுபடி செய்துள்ளதால், குறுவை தொகுப்பு திட்டத்தை நடைமுறைப்படுத்த வேண்டும் என்று தெரிவித்துள்ளனா்.

அப்போது, நிா்வாகிகள் ஏ.ஜி.பாலன் க.சுந்தர்ராஜன், கே.நாராயணன் ப.சரவணகுமாா் உள்ளிட்டோா் பங்கேற்றனா்.