‘தஞ்சை சங்கமம் நம்ம ஊரு திருவிழா’ தொடக்கம்

தஞ்சாவூா் குந்தவை நாச்சியாா் அரசு மகளிா் கல்லூரி அருகேயுள்ள அரசு தொழிற் பயிற்சி நிலைய விளையாட்டுத் திடலில் தமிழ்நாடு அரசின் கலை பண்பாட்டு துறை சாா்பில் தஞ்சை சங்கமம் நம்ம ஊரு திருவிழா மற்றும் தஞ்சாவூா் உணவுத் திருவிழா வெள்ளிக்கிழமை மாலை தொடங்கியது.

விழாவை மாவட்ட ஆட்சியா் தீபக் ஜேக்கப், தஞ்சாவூா் தொகுதி எம்எல்ஏ டி.கே.ஜி. நீலமேகம், கும்பகோணம் மேயா் க. சரவணன் உள்ளிட்டோா் மேளம் கொட்டி தொடங்கி வைத்தனா். மேலும், இசை, நாடக, ஓவியம் உள்ளிட்ட கலைஞா்களுக்கு கலை இளமணி, கலை வளா்மணி, கலை நன்மணி, கலை முதுமணி ஆகிய விருதுகள் வழங்கப்பட்டன. தொடா்ந்து, அந்தோணிதாசன் குழுவினரின் கலை நிகழ்ச்சிகள் நடைபெற்றன.

தொடா்ந்து, சனி, ஞாயிற்றுக்கிழமை மாலை 5 மணி முதல் இரவு 10 மணி வரை நடைபெறவுள்ள விழாவில் ஏறத்தாழ நூறு உணவு அரங்கங்கள் அமைக்கப்பட்டுள்ளன. இதில், பாரம்பரிய உணவு வகைகள் முதல் இன்றைய கால உணவு வகைகள் வரை இடம்பெற்றுள்ளன.

மேலும், தஞ்சாவூா், திருவாரூா், நாகப்பட்டினம், மயிலாடுதுறை, கடலூா், விழுப்புரம், கள்ளக்குறிச்சி போன்ற உள்பட பல்வேறு மாவட்டங்களிலிருந்து ஏறத்தாழ 500-க்கும் அதிகமான நாட்டுப்புறக் கலைஞா்கள் பங்கேற்கும் நையாண்டி மேளம், கரகாட்டம், தப்பாட்டம், பொய்க்கால்குதிரை ஆட்டம், ஒயிலாட்டம், கோலாட்டம், பம்பையாட்டம், மள்ளா் கம்பம், சிலம்பாட்டம், தெருக்கூத்து, பொம்மலாட்டம், நாட்டுப்புற ஆடல் பாடல் உள்ளிட்ட கிராமிய கலை விழா நடைபெறுகிறது.

தொடக்க விழாவில் மாவட்ட வருவாய் அலுவலா் தெ. தியாகராஜன், தஞ்சாவூா் துணை மேயா் அஞ்சுகம் பூபதி, மாநகராட்சி ஆணையா் இரா. மகேஸ்வரி, மாவட்ட ஊராட்சிக் குழுத் தலைவா் ஆா். உஷா புண்ணியமூா்த்தி உள்ளிட்டோா் கலந்து கொண்டனா்.