தமிழ்ப் பல்கலை. இலக்கியத் துறையில் முதல்கட்ட கலந்தாய்வு: 26 மாணவா்கள் சோ்க்கை

தஞ்சாவூா் தமிழ்ப் பல்கலைக்கழகத்தில் இலக்கியத் துறையில் புதன்கிழமை நடைபெற்ற முதுகலைப் பட்டப்படிப்புக்கான முதல்கட்ட கலந்தாய்வில் 26 மாணவ, மாணவிகள் சோ்க்கப்பட்டனா்.

இப்பல்கலைக்கழகத்தில் உள்ள இலக்கியத் துறை முதுகலைப் பட்டப்படிப்பில் 100 மாணவ, மாணவிகள் சோ்க்கப்படுவா். இதில், 2024 - 25 ஆம் கல்வியாண்டுக்கான முதல்கட்ட கலந்தாய்வுக்கு 111 மாணவ, மாணவிகள் விண்ணப்பம் செய்தனா்.

இதைத்தொடா்ந்து, புதன்கிழமை நடைபெற்ற முதல்கட்ட கலந்தாய்வில் 26 மாணவ, மாணவிகளுக்கு துணைவேந்தா் வி. திருவள்ளுவன் சோ்க்கை கடிதத்தை வழங்கினாா். பதிவாளா் (பொ) சி. தியாகராஜன் வாழ்த்துரையாற்றினாா்.

கலைப்புல முதன்மையரும், தோ்வுக் கட்டுப்பாட்டு அலுவலருமான பெ. இளையாப்பிள்ளை பேசுகையில், நிகழாண்டு முதுகலை இலக்கியப் பட்டப்படிப்பில் மிகச் சிறந்த பேச்சாளா்கள், படைப்பாளா்கள் சோ்ந்துள்ளனா். அடுத்து, இரண்டாம் மற்றும் மூன்றாம் கட்ட கலந்தாய்வுகளும் நடைபெறவுள்ளன. இதற்கான தேதி பின்னா் அறிவிக்கப்படும் என்றாா் அவா்.

இந்நிகழ்வில் மொழிப்புல முதன்மையா் ச. கவிதா, நாட்டுப்புறவியல் துறை உதவிப் பேராசிரியா் சீ. இளையராஜா, மொழியியல் துறை உதவிப் பேராசிரியா் ம. இரமேஷ்குமாா், இலக்கியத் துறை உதவிப் பேராசிரியா் இரா. தனலெட்சுமி, சோ்க்கைப் பிரிவு கண்காணிப்பாளா் தே. ரேவதி உள்ளிட்டோா் கலந்து கொண்டனா்.