ஒரே நாடு, ஒரே தோ்தலால் மக்களுக்குப் பயன் கிடையாது -கனிமொழி எம்.பி.

மத்திய அமைச்சரவையில் ஒப்புதல் கொடுக்கப்பட்டுள்ள ஒரே நாடு- ஒரே தோ்தலால் மக்களுக்கு எந்தப் பயனும் கிடையாது என்றாா் திமுக நாடாளுமன்றக் குழுத் தலைவரும், திமுக துணைப் பொதுச் செயலருமான கனிமொழி எம்.பி.

தஞ்சாவூரில் வெள்ளிக்கிழமை நடைபெற்ற கலைஞா் 100 விநாடி வினா நிகழ்ச்சியில் பங்கேற்ற அவா் தெரிவித்தது:

ஒரே நாடு -ஒரே தோ்தல் குறித்து மத்திய அமைச்சரவைதான் ஒப்புதல் கொடுத்துள்ளது; நாடு இன்னும் ஒப்புதல் கொடுக்கவில்லை. ஒரே நாடு -ஒரே தோ்தல் குறித்து திமுக மற்றும் தமிழக முதல்வரின் நிலைப்பாடு என்ன என்பது அனைவருக்கும் தெரியும். இதை நிச்சயமாக ஏற்க முடியாது.

தொடா்ந்து ஒரே நாடு - ஒரே தோ்தல், ஒரே நாடு- ஒரே குடும்ப அட்டை, ஒரே நாடு- ஒரே மொழி என எல்லாவற்றுக்கும் ஒரே நாடு எனக் கூறிக் கொண்டிருக்கின்றனா். மாநிலங்களின் உரிமைகளைக் கொஞ்சம் கொஞ்சமாகப் பறிக்க வேண்டும் என்ற எண்ணத்துடன் செயல்படுகின்றனா்.

ஒரே நாடு -ஒரே தோ்தல் என்கிறபோது, ஏற்கெனவே தோ்ந்தெடுக்கப்பட்ட ஆட்சிகளின் 5 ஆண்டு காலம் முடியாதபோது அவற்றின் நிலை என்னவாகும்? அவற்றால் மக்களுக்குக் கிடைக்கக்கூடிய பயன் என்ன? எந்தப் பயனும் இல்லாதபோது தங்களுக்கு எது லாபம் தரும் என நினைத்து அவா்கள் செய்வதை திமுக நிச்சயமாக எதிா்க்கும்.

இதுபோல பாஜகவினா் தாங்கள் நினைக்கும் கருத்துகளை நாட்டு மக்கள் மீது திணிக்கும் எண்ணத்துடன் உள்ளனா். இதற்கு திமுகவும் தமிழக முதல்வரும் தொடா்ந்து எதிா்ப்பு தெரிவித்து வருகின்றனா். இந்த நாட்டின் ஜனநாயகத்துக்கும், மாநில உரிமைகளுக்கும் எதிரான எதையும் ஏற்க மாட்டோம்.

தூத்துக்குடி ஸ்டொ்லைட் துப்பாக்கிச் சூடு சம்பவத்தில் குற்றஞ்சாட்டப்பட்ட அலுவலருக்கு பதவி உயா்வு கொடுக்கப்பட்டுள்ளதா என்பது குறித்து விசாரிக்கப்படும். அப்படியொரு தவறு நிகழ்ந்திருந்தால் நிச்சயமாக தீா்வு காணப்படும் என்றாா் கனிமொழி.

முன்னதாக, விநாடி - வினா போட்டியைப் பள்ளிக் கல்வித் துறை அமைச்சா் அன்பில் மகேஸ் பொய்யாமொழி தொடங்கிவைத்தாா். நிறைவாக வெற்றி பெற்றவா்களுக்கு கனிமொழி பரிசளித்தாா். ஆதிதிராவிடா் நலத் துறை அமைச்சா் என். கயல்விழி செல்வராஜ், தஞ்சாவூா் தொகுதி மக்களவை உறுப்பினா் ச. முரசொலி, எம்எல்ஏக்கள் துரை. சந்திரசேகரன், டி.கே.ஜி. நீலமேகம், கா. அண்ணாதுரை, மேயா் சண். ராமநாதன், துணை மேயா் அஞ்சுகம் பூபதி, திமுக மகளிரணி செயலா் ஹெலன் டேவிட்சன் உள்ளிட்டோா் கலந்து கொண்டனா்.