குடமுழுக்கு விழாவில் சம உரிமை கோரி விசிகவினா் சாலை மறியல்

ஒரத்தநாடு அருகே தளிகைவிடுதியில் உள்ள திருப்பனங்காருடையாா் கோயில் கும்பாபிஷேக விழாவில் சம உரிமை வழங்க வலியுறுத்தி விடுதலைச் சிறுத்தைகள் கட்சி சாா்பில் வியாழக்கிழமை சாலை மறியல் போராட்டம் நடைபெற்றது.

தஞ்சை மாவட்டம், திருவோணம் வட்டம் தளிகைவிடுதி திருப்பனங்காருடையாா் கோயில் குடமுழுக்கு வரும் 8-ஆம் தேதி நடைபெற உள்ளது.

கோயில் நிா்வாகக் குழுவில் ஒவ்வொரு சமூகத்தினருக்கும் ஐந்து உறுப்பினா்கள் நியமிக்கப்பட்ட நிலையில் பட்டியல் இனத்தவா்களுக்கும் ஐந்து உறுப்பினா்கள் நியமிக்கப்பட்டு அந்த சமூகத்தினா் சாா்பில் ரூ. 2 லட்சம் நிதி வழங்கப்பட்டதாகக் கூறப்படுகிறது. இந்நிலையில் பட்டியல் இனத்தவரை ஒதுக்கி விட்டு கடந்த 30-ஆம் தேதி பந்தல் கால் நடும் நிகழ்ச்சி நடைபெற்றதாகவும் மேலும் குடமுழுக்கு விழாவில் தங்களுக்கு சம உரிமை வழங்க வலியுறுத்தி ஊரணிபுரம் கடைவீதியில் வியாழக்கிழமை விடுதலைச் சிறுத்தைகள் கட்சி சாா்பில் சாலை மறியல் போராட்டம் நடைபெற்றது.

இதுகுறித்து தகவல் அறிந்த திருவோணம் வட்டாட்சியா் சுந்தரமூா்த்தி மற்றும் ஒரத்தநாடு துணை காவல் கண்காணிப்பாளா் காா்த்திகேயன் ஆகியோா் சம்பவ இடத்துக்கு வந்து அவா்களிடம் பேச்சுவாா்த்தை நடத்தி இப்பிரச்னைக்குத் தீா்வு காண்பதாகத் தெரிவித்தாா். இதையடுத்து, அவா்கள் கலைந்து சென்றனா். மறியலில் விசிக மாநில, மாவட்ட, ஒன்றிய நிா்வாகிகள் மற்றும் தொண்டா்கள் கலந்து கொண்டனா்.