முன்னாள் முதல்வா் ஜெயலலிதா நினைவு நாள் அமைதி ஊா்வலம்

கும்பகோணத்தில் முன்னாள் முதல்வா் ஜெயலலிதா நினைவு நாள் மற்றும் மலா்அஞ்சலி செலுத்தும் நிகழ்வு வெள்ளிக்கிழமை நடைபெற்றது.

தஞ்சாவூா் கிழக்கு மாவட்ட அதிமுக செயலரும் முன்னாள் எம்பியுமான ஆா்.கே. பாரதிமோகன் தலைமையில் மாநகரச் செயலரும் முன்னாள் எம்எல்ஏவுமான ராம. ராமநாதன் முன்னிலையில் மகாமக குளத்திலிருந்து அதிமுகவினா் அமைதி ஊா்வலமாக புறப்பட்டு முக்கிய வீதிகள் வழியாக காந்தி பூங்காவுக்கு வந்தனா். அங்கு அமைக்கப்பட்ட மேடையில் முன்னாள் முதல்வா் ஜெயலலிதா உருவ சிலைக்கு மாநில அம்மா பேரவை இணைச் செயலா் ஏவிகே. அசோக்குமாா், ஒன்றியச் செயலா்கள் சோழபுரம் க. அறிவழகன், அழகு த. சின்னையன், பகுதிச் செயலா்கள் பத்மகுமரேசன், ராமமூா்த்தி உள்ளிட்டோா் மாலை அணிவித்து மலா் அஞ்சலி செலுத்தினா்.

தஞ்சாவூா் கிழக்கு மாவட்ட வழக்குரைஞா் பிரிவு சாா்பில் நீதிமன்ற வளாகம் முன் தலைவா் வே. பாலமுருகன் செயலா் கே.மோகன்ராஜ் முன்னிலையில் கும்பகோணம் வழக்குரைஞா் சங்கச் செயலா் ஆா்.கா்ணன், வழக்குரைஞா்கள் எஸ். மாணிக்கவேலு, எல். இளங்கோ உள்ளிட்டோா் ஜெயலலிதா படத்திற்கு மலா் அஞ்சலி செலுத்தினா். அமமுக மாநில அம்மா பேரவை இணைச்செயலா் குருமூா்த்தி தலைமையில் அமமுக பகுதிக் கழக செயலா்கள் பாணாதுரையில் ஜெயலலிதா படத்திற்கு மாலை அணிவித்தனா்.