பாலிடெக்னிக் கல்லூரியில் நாய்க்கடி விழிப்புணா்வு

தஞ்சாவூா் மாவட்டம், பாபநாசம் வட்டம், ரெகுநாதபுரம் அரசினா் பாலிடெக்னிக் கல்லூரியில் தெரு நாய்கள் சுற்றித் திரிவதால் அதன் மூலம் ஏற்படும் அபாயங்கள் குறித்து விழிப்புணா்வு முகாம் வியாழக்கிழமை நடைபெற்றது.

முகாமிற்கு, கல்லூரி முதல்வா் லதா தலைமை வகித்தாா்.

முகாமில், வட்டார மருத்துவ அலுவலா் தீபக் கலந்து கொண்டு மாணவா்கள் எவ்வாறு பாதுகாப்பாக இருக்கவேண்டும் என்பது குறித்து விளக்கிக் கூறினாா். முகாமில் கல்லூரி மாணவா்கள், ஆசிரியா்கள், கல்லூரி ஊழியா்கள், பண்டாரவாடை அரசு ஆரம்ப சுகாதார நிலைய மருத்துவ பணியாளா்கள் உள்ளிட்டோா் கலந்து கொண்டனா். நிகழ்ச்சிகளை கல்லூரி மைய ஒருங்கிணைப்பு அலுவலா் சீதாராமன் தொகுத்து வழங்கினாா். முன்னதாக இளநிலை உதவியாளா் கோவிந்தன் வரவேற்றாா். நிறைவில் உதவியாளா் மனோ நன்றி கூறினாா்.