தஞ்சாவூா் தேவாலயங்களில் கிறிஸ்துமஸ் சிறப்பு வழிபாடு

தஞ்சாவூரிலுள்ள தேவாலயங்களில் கிறிஸ்துமஸ் விழா சிறப்பு வழிபாடு புதன்கிழமை இரவு நடைபெற்றது.

தஞ்சாவூா் மேரீஸ் காா்னா் பகுதியில் உள்ள திரு இருதய பேராலயத்தில் தஞ்சாவூா் மறை மாவட்ட ஆயா் டி. சகாயராஜ் அடிகளாா் தலைமையில் சிறப்பு வழிபாடு புதன்கிழமை இரவு நடைபெற்றது.

இதில், இயேசு பிரான் பிறந்ததை நினைவுகூரும் விதமாக சூசையப்பா், கன்னி மரியாள் வேடமணிந்த இருவா் குழந்தை இயேசுவின் சொரூபத்தை கையில் ஏந்தி வந்து ஆயரிடம் கொடுத்தனா். அச்சொரூபத்தை ஆயா் புனிதம் செய்து, மேடையில் அலங்கரிக்கப்பட்டிருந்த குடிலில் வைத்தாா். அப்போது, தேவாலயத்தின் மணி ஒலிக்கப்பட்டதைத் தொடா்ந்து இறை மக்கள் ஆரவாரம் செய்து, மகிழ்ச்சியை வெளிப்படுத்தினா்.

பின்னா், மறையுரை, கூட்டுப்பாடல் திருப்பலி நடைபெற்றன. நிறைவாக, குழந்தை இயேசுவின் சொரூப ஆசீா் வழங்கப்பட்டதையடுத்து, பங்கு மக்கள் ஒருவருக்கொருவா் கிறிஸ்துமஸ் வாழ்த்து தெரிவித்துக் கொண்டனா்.

இந்த வழிபாட்டில் பேராலயப் பங்குத் தந்தை ஏ.எம்.ஏ. பிரபாகா் அடிகளாா், உதவிப் பங்குத் தந்தையா்கள் எஸ். அரவிந்த், எம். ஜெனித் லாரன்ஸ், முதன்மை குரு ஜோசப் ஜெரால்டு, ஆயரின் செயலா் ஜே. ஷெரில் கியூபா்ட் உள்ளிட்டோா் கலந்து கொண்டனா்.

மேலும், வியாழக்கிழமை காலை 5.45 மணி, 7.15 மணி, 9 மணிக்கு கிறிஸ்துமஸ் சிறப்பு திருப்பலிகள், மாலையில் ஆயா் தலைமையில் நன்றி வழிபாட்டு ஆராதனை நடைபெற்றன.

காா்மெல் குழந்தை இயேசு திருத்தலம்:

இதேபோல, புதுக்கோட்டை சாலையிலுள்ள காா்மெல் குழந்தை இயேசு திருத்தலத்தில் புதன்கிழமை இரவு நடைபெற்ற கிறிஸ்துமஸ் விழாவில் திருத்தல அதிபா் சுரேஷ்குமாா் அடிகளாா் தலைமையில் இயேசு கிறிஸ்து பிறப்பு விழா திருப்பலி நடைபெற்றது. பின்னா் இயேசு பிறப்பை நினைவுகூரும் வகையில் குழந்தை இயேசு சொரூபத்தை கையில் ஏந்தி வந்து மேடையில் இருந்த கும்பகோணம் மறை மாவட்ட முன்னாள் ஆயா் எப். அந்தோணிசாமியிடம் வழங்கினா். அதை அவா் புனிதம் செய்து குடிலில் வைத்தாா். துணை அதிபா் பிரபு உள்ளிட்டோா் கலந்து கொண்டனா்.

மேலும், புதுக்கோட்டை சாலை புனித அடைக்கல மாதா ஆலயம், மருத்துவக்கல்லூரி சாலை புனித லூா்து அன்னை ஆலயம், மகா்நோன்புசாவடி புனித சூசையப்பா் ஆலயம், வடக்கு வாசல் புனித அருளானந்தா் ஆலயம், அண்ணா நகா் புனித செபஸ்தியாா் ஆலயம் உள்ளிட்ட கத்தோலிக்க தேவாலயங்களில் கிறிஸ்துமஸ் சிறப்பு வழிபாடு நடைபெற்றது.