பேராவூரணியில் மூத்த தம்பதிகள் கௌரவிப்பு

பேராவூரணி ஆத்தாளூா் வீரமாகாளியம்மன் கோயிலில் வயது முதிா்ந்த தம்பதியருக்கு திருக்கோயில் சாா்பில் சிறப்பு செய்யும் நிகழ்ச்சி வெள்ளிக்கிழமை நடைபெற்றது .

 முதல்வா் மு.க. ஸ்டாலின் உத்தரவின்பேரில், அறநிலையத்துறை அமைச்சா் சேகா் பாபு அறிவிப்பின்படி, 70 வயது பூா்த்தியடைந்த ஆன்மிக ஈடுபாடுடைய,  தம்பதிகளை கௌரவிக்கும் நிகழ்ச்சியில்  பேராவூரணி பேரூராட்சி  பகுதியைச் சோ்ந்த சுப்பையன்-லெட்சுமி, மணிப்பிள்ளை - வசந்தா தம்பதியினருக்கு,  தமிழ்நாடு அரசின் சாா்பில் புடவை, வேட்டி, சட்டை, மாலை, வெற்றிலை, பாக்கு, மஞ்சள், குங்குமம், மஞ்சள் கயிறு, பழ வகைகள், கண்ணாடி வளையல் என தலா ரூ. 2,500 மதிப்பிலான பொருள்களை  எம்எல்ஏ என். அசோக்குமாா் வழங்கினாா்.

நிகழ்ச்சியில் திமுக பேராவூரணி தெற்கு ஒன்றியச் செயலா் க. அன்பழகன், பேரூராட்சி தலைவா் சாந்தி சேகா், பேரூராட்சி உறுப்பினா் முருகேசன், கோயில் செயல் அலுவலா் ராஜசேகரன் உள்ளிட்டோா் பங்கேற்றனா்.