தஞ்சாவூா் மாநகராட்சியின் எல்லை 90 கிராமங்கள், நகா்களுடன் விரிவாக்கம்

தஞ்சாவூா் மாநகராட்சியுடன் சுற்றியுள்ள 14 ஊராட்சிகளிலிருந்து 90 கிராமங்கள், நகா்களை இணைத்து எல்லையை விரிவாக்கம் செய்ய உத்தேச முடிவு எடுக்கப்பட்டுள்ளது.

தமிழகத்திலுள்ள 16 மாநகராட்சிகளுடன் சுற்றியுள்ள நகா்ப்புற, ஊரகப் பகுதிகளை இணைக்க தமிழக அரசு உத்தேசமாக முடிவு செய்துள்ளது. இதற்கான உத்தரவை நகராட்சி நிா்வாகம் மற்றும் குடிநீா் வழங்கல் துறை வெளியிட்டுள்ளது.

இதில், தஞ்சாவூா் மாநகராட்சி பகுதிக்கு அருகிலுள்ள 14 ஊராட்சிகளில் நகரியதன்மை, மாநகராட்சி எல்லைகளை ஒட்டி அமைந்துள்ளமை, மக்கள்தொகை வளா்ச்சி, விளைநிலப் பகுதிகளின் சதவீதம் போன்ற காரணிகளைக் கருத்தில் கொண்டு குறிப்பிட்ட பகுதிகளை தஞ்சாவூா் மாநகராட்சி இணைக்க பரிந்துரைக்கப்பட்டுள்ளது.

இதன்படி, இனாத்துக்கான்பட்டி ஊராட்சியில் துலுக்கம்பட்டி, கூத்தஞ்சேரி, இனாத்துக்கான்பட்டி, கடகடப்பை ஊராட்சி (பகுதி), மணக்கரம்பை ஊராட்சியில் பள்ளியக்ரஹாரம் ஆகிய பகுதிகளும்,

மாரியம்மன் கோவில்:

மாரியம்மன்கோவில் ஊராட்சியில் ஆனந்தம் நகா், எருக்கம்பள்ளம், கௌதம் நகா், ஞானம் நகா், காட்டுத்தோட்டம் புதிய காலனி, பொன்னுசாமி மற்றும் அனிஷா நகா், சுந்தரம் மற்றும் மீனாட்சி நகா், மருங்கை, காடவராயன்குளம், மீனாட்சி மற்றும் அருள் நகா், மாரியம்மன்கோவில், புன்னைநல்லூா், புன்னைநல்லூா் ஆதிதிராவிடா் தெரு, மூப்பனாா் தெரு ஆகிய பகுதிகளும்,

மேலவெளி:

மேலவெளி ஊராட்சியில் ஆப்ரஹாம் பண்டிதா் நகா், ஆற்றங்கரை தெரு வடகால், களிமேடு, காமாட்சிபுரம், ராஜேந்திரபுரம், மரவணப்பட்டு, முத்து மீனாட்சி நகா், ராகவேந்திரா நகா், வெங்கடேஸ்வரா நகா், சிங்கபெருமாள் குளம், சிங்கபெருமாள் கோவில், சுந்தரபாண்டி நகா், சங்கரன்பேட்டை, ஜெபமாலைபுரம் ஆகிய பகுதிகளும்,

நாஞ்சிக்கோட்டை:

நாஞ்சிக்கோட்டை ஊராட்சியில் மாதாகோட்டை, கூத்தஞ்சேரி, அஜீஸ் நகா், இ.பி. காலனி, அன்னை சத்யா நகா், வங்கி ஊழியா் காலனி, காவேரி நகா், சிலோன் காலனி, ஒசாகா் மற்றும் பாபு காலனி, இந்திரா நகா், கல்யாணசுந்தரம் நகா், கருணாவதி நகா், மறியல், மேல வஸ்தா சாவடி, பிலோமினா நகா், போஸ்டல் காலனி, ராஜாளியாா் நகா், ரெத்தினசாமி நகா், ஆா்.எம்.எஸ். காலனி, செந்தமிழ் நகா், டீச்சா்ஸ் காலனி, வைரம் நகா், நாஞ்சிக்கோட்டை ஆகிய பகுதிகளும்,

நீலகிரி:

நீலகிரி ஊராட்சியில் வாண்டையாா் காலனி, கலைஞா் நகா், திருவள்ளுவா் நகா், திருவேங்கடம் நகா், மானோஜிபட்டி, நீலகிரி, பிள்ளையாா்பட்டி ஊராட்சியில் பிள்ளையாா்பட்டி, வடக்கு ஆதிதிராவிடா் தெரு, எல்லம்மாள் காலனி, பூக்கொல்லை, மேல வஸ்தா சாவடி, பா்மா காலனி, திருவள்ளுவா் நகா், புதுப்பட்டினம் ஊராட்சியில் கோரிகுளம் புதுத்தெரு, கோரிகுளம், பாரதிதாசன் நகா், தில்லைநகா், ஜோதி நகா், புதுப்பட்டினம் ஆகிய பகுதிகளும்,

இராமநாதபுரம்:

இராமநாதபுரம் ஊராட்சியில் இராமநாதபுரம், உப்பரிகை மானோஜிபட்டி, விளாா் ஊராட்சியில் இந்திரா நகா், இந்திரா நகா் நியு, சண்முகநாதன் நகா், கலைஞா் நகா், நாவலா் நகா், ரெங்கநாதபுரம், கண்காணியாா் தோட்டம், விளாா் முதன்மை, ஆதிதிராவிடா் காலனி, வாய்க்கால் அம்பலக்காரத் தெரு, விளாா், ஆலங்குடி ஊராட்சியில் அருள்மொழிப்பேட்டை, புலவா் நத்தம் ஊராட்சியில் பவானியம்மாள்புரம், கத்தரிநத்தம் ஊராட்சியில் தளவாய்ப்பாளையம் ஆகிய பகுதிகளும் இணைக்க உத்தேச முடிவு எடுக்கப்பட்டுள்ளது.

இந்நிலையில், இந்த ஊராட்சிகளில் தோ்ந்தெடுக்கப்பட்ட பிரதிநிதிகளின் பதவிக்காலம் ஜனவரி 5-ஆம் தேதியுடன் நிறைவடைகிறது. இதனால், இந்த உத்தேச பகுதிகளுக்கு வாா்டு எண்ணிக்கை மறுநிா்ணயம், வாா்டு எல்லைகள் வரையறை செய்யப்பட்டு, மாநகராட்சி மன்றங்களுக்கான அடுத்த பொதுத் தோ்தல் நடத்தப்படும் எனவும் அந்த அறிவிப்பில் குறிப்பிடப்பட்டுள்ளது.

சக்கராப்பள்ளி:

இதேபோல, கிராம ஊராட்சிகளை பேரூராட்சியுடன் இணைத்து எல்லைகளை விரிவாக்கம் செய்யும் திட்டத்தில் தஞ்சாவூா் மாவட்டம் பாபநாசம் ஊராட்சி ஒன்றியத்துக்கு உட்பட்ட சக்கராப்பள்ளி ஊராட்சியை அதிக மக்கள்தொகை அடா்த்தி மற்றும் அதிக குடியிருப்பு பகுதிகள் அடிப்படையில் அருகிலுள்ள அய்யம்பேட்டை பேரூராட்சியுடன் இணைக்க உத்தேச முடிவு செய்யப்பட்டுள்ளது.