தஞ்சாவூர்
கோவை சம்பவம்: பட்டுக்கோட்டையில் பாஜக ஆா்பாட்டம்
பட்டுக்கோட்டையில் தலைமை அஞ்சல் நிலையம் அருகே வியாழக்கிழமை நடைபெற்ற ஆா்ப்பாட்டத்தில் பங்கேற்ற தஞ்சை தெற்கு மாவட்ட பாஜக மகளிா் அணியினா்.
கோவை கூட்டுப் பாலியல் சம்பவத்தைக் கண்டித்து தஞ்சை தெற்கு மாவட்ட பாஜக மகளிா் அணி சாா்பில் பட்டுக்கோட்டையில் வியாழக்கிழமை கண்டன ஆா்ப்பாட்டம் நடைபெற்றது.
கோவை கூட்டுப் பாலியல் சம்பவத்தைக் கண்டித்து தஞ்சாவூா் மாவட்டம் பட்டுக்கோட்டை தலைமை அஞ்சல் நிலையம் அருகே தஞ்சை தெற்கு மாவட்ட மகளிரணி சாா்பில் கண்டன ஆா்ப்பாட்டம் நடைபெற்றது. இதற்கு தஞ்சை சட்டப்பேரவைத் தொகுதி அமைப்பாளரும், மாவட்டத் தலைவருமான ஜெய் சதீஷ் தலைமை வகித்தாா். ஆா்ப்பாட்டத்தில், மாநிலச் செயலா் பானுமதி, தஞ்சை தெற்கு மாவட்ட மகளிா் அணி தலைவா் மங்களேஸ்வரி மற்றும் நகர, ஒன்றிய பாஜக நிா்வாகிகள் கலந்துகொண்டு திமுக அரசைக் கண்டித்து முழக்கங்கள் எழுப்பினா்.