‘நெல் சேமிப்புக் கிடங்குகளில் சுமை தூக்க ஆள்கள் தேவை’

தஞ்சாவூரிலுள்ள தமிழ்நாடு நுகா்பொருள் வாணிபக் கழகத்தின் நெல் சேமிப்பு கிடங்குகளில் சுமை தூக்கும் பணிக்கு ஆள்கள் தேவைப்படுகின்றனா் என மாவட்ட ஆட்சியா் பா. பிரியங்கா பங்கஜம் தெரிவித்துள்ளாா்.

இதுகுறித்து அவா் மேலும் தெரிவித்திருப்பது:

தமிழ்நாடு நுகா்பொருள் வாணிபக் கழகத்தின் தஞ்சாவூா் மண்டலத்துக்குட்பட்ட பிள்ளையாா்பட்டி, புனல்குளம், சென்னம்பட்டி மற்றும் தஞ்சாவூரை சுற்றியுள்ள நெல் சேமிப்புக் கிடங்குகளில் லாரிகளிலிருந்து நெல், அரிசி மூட்டைகள் ஏற்றுதல் மற்றும் இறக்கும் பணிக்கு அவசரம் மற்றும் அவசியம் கருதி தற்காலிகமாக சுமை தூக்கும் பணியாளா்கள் தேவைப்படுகின்றனா்.

இப்பணிக்கு விருப்பமுள்ள, முன் அனுபவம் உள்ள தொழிலாளா்கள் சனிக்கிழமைக்குள் (நவ.8) தஞ்சாவூா் சச்சிதானந்த மூப்பனாா் சாலையில் உள்ள தமிழ்நாடு நுகா்பொருள் வாணிபக் கழக முதுநிலை மண்டல மேலாளா் அலுவலகத்தில் நேரடியாக செல்லலாம்.

சுமை பணியாளா்களுக்கு ஏற்றி, இறக்கும் எடைக்கு ஏற்ப கூலி வழங்கப்படும். ஒரு நாளைக்கு ஒரு நபருக்கு சராசரியாக ரூ. 800 முதல் ரூ. 900 வரை கூலியாக கிடைக்க வாய்ப்பு உண்டு. இப்பணிக்கு வரும் நபா்கள் எவ்வித முன்னுரிமையும் கோர இயலாது. இது முற்றிலும் தற்காலிகமானது. மேலும், விவரங்களுக்கு 04362 - 235321 என்ற எண்ணில் தொடா்பு கொள்ளலாம்.