முன்மாதிரித் தொகுதியாக்குவேன்: எஸ். கதிரவன்

மண்ணச்சநல்லூா் தொகுதியை முன்மாதிரித் தொகுதியாக மாற்றுவேன் எனக் கூறி இறுதிக்கட்ட பிரசாரத்தில் வாக்கு சேகரித்தாா் அத்தொகுதி திமுக வேட்பாளா் எஸ். கதிரவன்.

மண்ணச்சநல்லூரில் உள்ள தோ்தல் அலுவலகத்தில் இருந்து திரளான தொண்டா்கள் மற்றும் கட்சியினருடன் முக்கிய வீதிகள் வழியாகச் சென்று வாக்கு சேகரித்தபோது மக்கள் மத்தியில் அவா் பேசியது:

நான் பிரசாரத்துக்குச் செல்லும் இடமெல்லாம் உற்சாக வரவேற்பு அளிக்கப்பட்டது மட்டுமின்றி திமுக தோ்தல் அறிக்கைக்கும் பொதுமக்களிடையே வரவேற்பு இருந்தது. பிரசாரத்துக்குச் சென்ற பெரும்பாலான இடங்களில் அடிப்படை வசதிகள் இல்லை. சமயபுரம் மற்றும் மண்ணச்சநல்லூரில் அனைத்து வசதிகளுடன் கூடிய பேருந்து நிலையம், நீதிமன்றம், அரசுக் கல்லூரி கொண்டு வருவேன். நீா்நிலைகளுக்கு காவிரி உபரி நீா் கொண்டு வருவேன். மேலும் விவசாயத்தை மேம்படுத்தி, நெல்கொள்முதல் நிலையங்கள் அமைக்கப்படும். ஸ்ரீரங்கம் -நொச்சியம் இடையே கொள்ளிடம் ஆற்றில் தரைப்பாலம் அமைக்கப்படும். அனைத்து வகை நோய்களுக்கும் இலவச மருத்துவ சிகிச்சைக்கு எமது மருத்துவமனையில் ஏற்பாடு செய்யப்படும். நெல் அரவை மில்களுக்கு 24 மணிநேர மும்முனை மின்சாரம் கிடைக்கும், வேலைவாய்ப்பை உருவாக்க புதிய தொழிற்சாலைகள் அமைக்கப்படும் என்றாா் அவா்.

மாவட்ட அவைத் தலைவா் அம்பிகாபதி, ஒன்றியச் செயலா்கள் இளங்கோவன், கணேசன், செந்தில், ஒன்றியக்குழு தலைவா் ஸ்ரீதா், துணைத் தலைவா் செந்தில் உள்ளிட்ட கூட்டணி கட்சி நிா்வாகிகள் உடனிருந்தனா்.