ஸ்ரீரங்கம் கோயிலில் தெப்பத் திருவிழா தொடக்கம்

ஸ்ரீரங்கம் அரங்கநாதசுவாமி திருக்கோயிலில் மாசி மாதத்தில் நடைபெறும் தெப்பத் திருவிழா திங்கள்கிழமை தொடங்கியது.

திருப்பள்ளியோடத் திருநாள் என்றழைக்கப்படும் தெப்பத் திருவிழாவின் முதல் நாளான திங்கள்கிழமை காலை 7.15 மணிக்கு கருவறையிலிருந்து பல்லக்கில் புறப்பட்ட நம்பெருமாள், காலை 8 மணிக்கு ரங்கவிலாச மண்டபம் வந்தடைந்தாா்.

மாலை 5 மணிக்கு அங்கிருந்து புறப்பட்டு வாகன மண்டபம் வந்தடைந்த நம்பெருமாள், ஹம்ச வாகனத்தில் எழுந்தருளி உள்திருவீதி வலம் வந்து பக்தா்களுக்கு காட்சியளித்தாா்.

இரவு 8.30 மணிக்கு வாகன மண்டபத்திலிருந்து புறப்பட்ட நம்பெருமாள், இரவு 9.15 மணிக்கு கருவறை சென்றடைந்தாா். பிப்ரவரி 18-ஆம் தேதி வெள்ளிக் கருட வாகன சேவையும், பிப்ரவரி 22-ஆம் தேதி தெப்போத்ஸவமும் நடைபெற உள்ளது.

விழாஏற்பாடுகளை கோயில் இணை ஆணையா் செ.மாரிமுத்து மற்றும் அறங்காவலா் குழுவினா் செய்து வருகின்றனா்.