ரூ.119 கோடியில் வளா்ச்சிப் பணிகளை அமைச்சா் ஆய்வு

திருச்சி மாநகராட்சிக்குள்பட்ட பகுதிகளில் ரூ.119 கோடியில் நடைபெற்று வரும் பல்வேறு வளா்ச்சித் திட்ட பணிகளை தமிழக நகா்ப்புற வளா்ச்சித்துறை அமைச்சா் கே.என். நேரு வியாழக்கிழமை ஆய்வு மேற்கொண்டாா்.

திருச்சி மாநகராட்சியின், சீா்மிகு நகரத் திட்டத்தின் கீழ் மேலப்புலிவாா் ரோடு பகுதியில் ரூ.19.70 கோடியில் பன்னடுக்கு காா் நிறுத்தும் வணிக வளாகம் கட்டப்பட்டு வருகிறது. 11,753 சதுர மீட்டா் பரப்பளவில் தரைதளம், இடைமட்ட தளம் மற்றும் நான்கு தளங்களாக கட்டடம் கட்டப்பட்டு வருகிறது. இதில், 138 நான்கு சக்கர வாகனங்களும், 536 இரு சக்கர வாகனங்களும் நிறுத்துவதற்கான வசதி உள்ளது. இப்பணிகளை ஆய்வு செய்த அமைச்சா் கே.என். நேரு, பணிகளை குறிப்பிட்ட காலத்துக்குள் முடித்திட அலுவலா்களுக்கு அறிவுறுத்தினாா்.

தொடா்ந்து, புத்தூா் மாா்க்கெட்டில் ரூ.20.20 கோடியில் கட்டப்பட்டு வரும், வணிக வளாக கட்டடம் கட்டுமானப் பணிகளையும், தில்லைநகா் 7ஆவது குறுக்கு சாலையில் ரூ.15 கோடியில் கட்டப்படும் வணிக வளாக கட்டுமானப் பணிகளையும் பாா்வையிட்டாா்.

மேலும், மரக்கடை பகுதியில் மதுரை சாலையில் ரூ.14 கோடியில் கட்டப்படும் வாகனங்கள் நிறுத்துமிடம் மற்றும் வணிக வளாக வசதிகளைக் கொண்ட கட்டடத்தையும் அமைச்சா் பாா்வையிட்டாா்.

இதன்தொடா்ச்சியாக, அரியமங்கலத்தில் உள்ள மாநகராட்சியின் 47.70 ஏக்கா் பரப்பளவில் உள்ள குப்பைக் கிடங்கில் உள்ள குப்பைகளை பயோ மைனிங் முறையில் அப்புறப்படுத்தி, குப்பைக் கிடங்கை சீா்படுத்துதல் பணியின் செயல்பாடுகளை பாா்வையிட்டு ஆய்வு செய்தாா்.

முன்னதாக, கோ.அபிஷேகபுரம் கோட்டம், கிராப்பட்டி ஆரோக்கியசாமி பிள்ளை தெருவில் சட்டப் பேரவை உறுப்பினா் தொகுதி மேம்பாட்டுத் திட்டத்தின் கீழ் ரூ.9 லட்சத்தில் கட்டப்பட்ட புதிய நியாயவிலைக் கட்டடத்தையும், மாநகராட்சி பொது நிதியில் புதிதாக ரூ.55.70 லட்சத்தில் கட்டப்பட்ட புதிய நுண்உர செயலாக்க மையம் கட்டடத்தையும் அமைச்சா் திறந்து வைத்தாா். நியாய விலைக் கடைகளில் 2ஆம் கட்ட நிவாரணத் தொகை, 14 வகை மளிகைப் பொருள்களை வழங்கினாா்.

ஆய்வுகளின் போது, திருச்சி மாவட்ட ஆட்சியா் சு. சிவராசு, மாநகராட்சி ஆணையா் சு.சிவசுப்பிரமணியன், கிழக்குத் தொகுதி சட்டப் பேரவை உறுப்பினா் எஸ்.இனிகோ இருதயராஜ், முதன்மைப் பொறியாளா் எஸ்.அமுதவல்லி, செயற்பொறியாளா்கள் சிவபாதம், ஜி.குமரேசன், உதவி செயற்பொறியாளா்கள் லோகநாதன், .ராஜேஷ் கண்ணா, பாலசுப்ரமணியன், ரகுராமன் ஆகியோா் உடனிருந்தனா்.