திருச்சி மாவட்டத்தில் 220 பேருக்கு கரோனா

திருச்சி மாவட்டத்தில் வெள்ளிக்கிழமை வெளியான பரிசோதனை முடிவுகளின்படி 220 பேருக்கு கரோனா தொற்று உறுதியானது.

இதன் மூலம் மாவட்டத்தில் இதுவரை தொற்றால் பாதிக்கப்பட்டோரின் எண்ணிக்கை 68,302 ஆன நிலையில், குணமடைந்து வீடு திரும்பியோரின் எண்ணிக்கை 66,316 ஆக உள்ளது. இதுவரை 882 போ் உயிரிழந்த நிலையில், வீடுகள், மருத்துவமனையில் சிகிச்சை பெறுவோரின் எண்ணிக்கை 1104 ஆக உள்ளது.

ஆக்சிஜன் வசதியுடன் கூடிய 1,446 படுக்கைகள், அவசரப் பிரிவில் 271 படுக்கைகள், 1329 சாதாரண படுக்கைகள் என மொத்தம் 3046 படுக்கைகள் காலியாக உள்ளதாக மாவட்ட சுகாதாரத் துறை தெரிவித்துள்ளது.