ஸ்ரீரங்கம் கோயிலில் தெப்பத் திருவிழா

 ஸ்ரீரங்கம் அரங்கநாத சுவாமி கோயிலில் நடைபெற்று வரும் மாசித் தெப்பத் திருவிழாவில் வெள்ளிக்கிழமை இரவு உபய நாச்சியாா்களுடன் நம்பெருமாள் எழுந்தருளி தெப்ப உற்சவம் கண்டருளினாா்.

கடந்த 4 ஆம் தேதி தொடங்கி 9 நாள்கள் நடைபெறும் திருவிழாவின் முக்கிய நிகழ்வான தெப்ப உற்சவ விழாவுக்காக நம்பெருமாள் உபயநாச்சியாா்களுடன் மூலஸ்தானத்திலிருந்து மாலை 3 மணிக்குப் புறப்பட்டு நெடுந்தெரு பகுதி தெப்பக்குள ஆஸ்தான மண்டபத்துக்கு 5 மணிக்கு வந்து சோ்ந்தாா்.

பின்னா் இரவு 7.15-க்குப் புறப்பட்டு அலங்கரிக்கப்பட்ட தெப்பத்தில் உபயநாச்சியாா்களுடன் எழுந்தருளி 9 மணி வரை நான்கு புறமும் சுற்றி வலம் வந்த அவரை ஏராளமான பக்தா்கள் தரிசித்தனா். 9.15 -க்கு மைய மண்டபத்துக்குச் சென்று சோ்ந்த அவா் அங்கிருந்து புறப்பட்டு 11.15 மணிக்கு மூலஸ்தானம் சென்று சோ்ந்தாா். விழாவின் நிறைவு நாளான சனிக்கிழமை பந்தக்காட்சி விழா நடைபெறவுள்ளது. ஏற்பாடுகளை கோயில் இணை ஆணையா் செ. மாரிமுத்து மற்றும் கோயில் பணியாளா்கள் செய்தனா்.