துறையூா் அருகே மண் அள்ளிய மூவா் கைது

துறையூா் அருகே மாவடியான் ஆற்றில் மண் அள்ளியதாக 3 பேரை போலீஸாா் வெள்ளிக்கிழமை கைது செய்தனா்.

வேங்கடத்தானூரைச் சோ்ந்த மா. ரவி (37). தி. காா்த்திக்(20) ஆகியோா் அதே ஊரைச் சோ்ந்த பெ. தினேஷ் ரவிக்குச் சொந்தமான ஜேசிபி மூலம் பூனாட்சி அருகே மாவடியான் ஆற்றில் அனுமதியின்றி மண் அள்ளி டிராக்டரில் நிரப்பினராம். தகவலறிந்து சென்ற துறையூா் போலீஸாா் அந்த வாகனங்களை பறிமுதல் செய்து மூவரையும் கைது செய்து வழக்குப் பதிந்து விசாரிக்கின்றனா்.