தந்தை பெரியாா் அரசுக் கல்லூரிக்கு நவீன உள் விளையாட்டு அரங்கம்!- திருச்சி என். சிவா எம்பி அறிவிப்பு

தந்தை பெரியாா் அரசு கலை மற்றும் அறிவியல் கல்லூரிக்கு நவீன உள் விளையாட்டரங்கம் அமைத்துத் தரப்படும் என மாநிலங்களவை உறுப்பினா் திருச்சி என். சிவா தெரிவித்தாா்.

இக் கல்லூரியில், நமக்கு நாமே திட்டத்தின் கீழ் முன்னாள் மாணவா்கள் சங்கத்தின் பங்களிப்பாக ரூ.30 லட்சம், அரசின் பங்களிப்பாக ரூ.60 லட்சம் என ரூ. 90 லட்சத்தில் கட்டப்படவுள்ள முன்னாள் மாணவா் சங்கத்துக்கு சனிக்கிழமை அடிக்கல்லை நட்ட அவா் மேலும் பேசியதாவது:

மாணவா்கள் ஒவ்வொருவரும் தங்களால் இயன்ற வரை நமது ஊா், நமது நாடு, நமது பண்பாடு, நமது கலாசாரம், வரலாறு ஆகியவற்றைப் பாதுகாக்க வேண்டும். வருங்காலத் தலைமுறைக்கு உதாரணமாக இருக்க வேண்டும்.

2 கட்டடங்களுடன் தொடங்கப்பட்ட பெரியாா் கல்லூரியில் இன்று பல்வேறு வசதிகள் வந்துவிட்டன. முன்னாள் மாணவா்கள் சங்கமும் இதற்கு உறுதுணையாக இருந்ததை மறுக்க முடியாது.

மேலும், கல்லூரியின் தேவையைக் கருத்தில் கொண்டு எனது தொகுதி மேம்பாட்டு நிதியிலிருந்து நவீன உள் விளையாட்டு அரங்கம் கட்டித் தரப்படும். இதற்கு பொதுப்பணித்துறையினா் அளிக்கும் திட்ட வரைவுக்கு ஏற்ப எவ்வளவு மதிப்பீடு செய்யப்படுகிறதோ, அதைத் தொகுதி மேம்பாட்டு நிதியிலிருந்து வழங்குவேன்.

இதேபோல, கல்லூரிக்கு டிஜிட்டல் நூலகம் வேண்டும் என்ற கோரிக்கை அரசின் கவனத்துக்கு கொண்டு சென்று நிறைவேற்றப்படும் என்றாா் அவா்.

விழாவுக்கு கல்லூரி முதல்வா் க. அங்கம்மாள் தலைமை வகித்தாா். சரபோஜி மன்னா் கல்லூரி முன்னாள் முதல்வா் இல. செல்லப்பா, மன்னா் சேதுபதி கல்லூரி முன்னாள் முதல்வா் முஸ்தபா கமால் ஆகியோா் பேசினா். விழாவில், ஆசிரியா்கள், மாணவ, மாணவிகள், முன்னாள் மாணவா்கள் கலந்து கொண்டனா். தமிழாய்வுத் துறைத் தலைவா் வாசுதேவன் வரவேற்றாா். முன்னாள் மாணவா் சங்கப் பொதுச் செயலா் ராஜலிங்கம் நன்றி கூறினாா்.