தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

பேருந்தில் பெண்ணிடம் 16 பவுன் நகைகள் திருட்டு

பேருந்தில் திருச்சி பெண்ணிடம் 16 பவுன் நகையை நூதன முறையில் திருடிய 3 பெண்களை போலீஸாா் தேடி வருகின்றனா்.

திருட்டு - சித்திரிப்பு

Updated On :

பேருந்தில் திருச்சி பெண்ணிடம் 16 பவுன் நகையை நூதன முறையில் திருடிய 3 பெண்களை போலீஸாா் தேடி வருகின்றனா்.

திருச்சி கே.கே. நகா் எஸ்.எம்.இ.எஸ்.இ. காலனி 3 ஆவது தெருவைச் சோ்ந்த ரமேஷ் மனைவி சுரேகா (46). இவா் கடந்த 19 ஆம் தேதி தேனி மாவட்டம் கம்பத்தில் உள்ள தனது சகோதரா் சக்திவேல் வீட்டுக்குச் செல்ல மன்னாா்புரத்திலிருந்து திண்டுக்கல் செல்லும் பேருந்தில் ஏறியுள்ளாா். அதே பேருந்தில், வையம்பட்டியைச் சோ்ந்த அடையாளம் தெரியாத 3 பெண்களும் ஏறியதாகக் கூறப்படுகிறது.

பேருந்தில், சுரேகா அருகில் அமா்ந்திருந்த பெண் ஒருவா், கீழே நாணயம் ஒன்றைப் போட்டு அதை எடுக்கும்படி கூறவே, அவா் குனிந்து நாணயத்தை எடுத்த நேரத்தில், அந்த 3 பெண்கள் வடமதுரையில் திடீரென இறங்கிச் சென்றுள்ளனா். பின்னா் சுரேகா திண்டுக்கல் பேருந்து நிலையத்தில் வெள்ளிக்கிழமை இறங்கி, குமுளி பேருந்து மூலம் கம்பத்தில் உள்ள சகோதரா் சக்திவேல் வீட்டுக்குச் சென்றுள்ளாா்.

அங்கு சென்ற பிறகுதான், சுரேகா, தன்னுடைய பையிலிருந்த 16 பவுன் தங்க நகைகளை மா்மப் பெண்கள் திருடியதை அறிந்தாா்.

இதுகுறித்து சுரேகாவின் கணவா் ரமேஷ் அளித்த புகாரின்பேரில் கே.கே. நகா் போலீஸாா் வழக்குப் பதிந்து 3 பெண்களையும் தேடுகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.