காவலா் வீரவணக்க நாள்: ஐஜி, காவல் ஆணையா் மரியாதை

காவலா் வீரவணக்க நாளையொட்டி ஆயுதப்படை மைதானத்தில் உள்ள நினைவுத் தூணில் மத்திய மண்டல காவல் துறைத் தலைவா், காவல் ஆணையா் உள்ளிட்டோா் புதன்கிழமை மரியாதை செலுத்தினா்.

பணியின்போது உயிா்த் தியாகம் செய்த காவலா்களின் வீரத்தையும், அா்ப்பணிப்பையும் போற்றும் வகையில் வீரவணக்க நாள் கடைப்பிடிக்கப்படுகிறது.

இதையொட்டி திருச்சி சுப்பிரமணியபுரம் ஆயுதப்படை மைதானத்தில் உள்ள காவலா் நினைவுத் தூணுக்கு மத்திய மண்டல காவல் துறைத் தலைவா் வே. பாலகிருஷ்ணன், திருச்சி மாநகரக் காவல் ஆணையா் ந. காமினி, திருச்சி மாவட்ட காவல் கண்காணிப்பாளா் டோங்கரே பிரவீன் உமேஷ், காவல் துணை ஆணையா்கள், காவல் துணை கண்காணிப்பாளா்கள், காவல் துறை அதிகாரிகள், காவலா்கள் உள்ளிட்டோா் மலா் வளையம் வைத்து மரியாதை செலுத்தினா். தொடா்ந்து மத்திய மண்டல காவல் துறைத் தலைவா் வே. பாலகிருஷ்ணன் பேசினாா்.