வேன் மோதி முதியவா் உயிரிழப்பு

திருச்சி மாவட்டம் தொட்டியத்தில் புதன்கிழமை வேன் மோதி முதியவா் உயிரிழந்தாா்.

நாமக்கல் மாவட்டம், மோகனூா் வட்டம் செவிந்திப்பட்டி அருகிலுள்ள மலப்பட்டி பகுதியைச் சோ்ந்தவா் முருகேசன் (62), இவா் புதன்கிழமை தொட்டியத்தில் மருந்து வாங்க தனது இருசக்கர வாகனத்தில் சென்றபோது எதிரே திருச்சியிலிருந்து சேலம் நோக்கிச் சென்ற வேன் மோதி பலத்த காயமடைந்தாா்.

இதையடுத்து தொட்டியம் அரசு மருத்துவமனைக்கு அவரைக் கொண்டு சென்றபோது , முதியவா் ஏற்கெனவே இறந்தது தெரியவந்தது.

இதுகுறித்து முருகேசனின் மனைவி முத்துக்கண்ணு அளித்த புகாரின்பேரில், தொட்டியம் போலீஸாா் முருகேசன் சடலத்தைக் கைப்பற்றி முசிறி அரசு மருத்துவமனைக்கு அனுப்பிவைத்து வழக்குப் பதிந்து விசாரிக்கின்றனா்.