கஞ்சநாயக்கன்பட்டியில் மின்சாரம் பாய்ந்து இளைஞா் உயிரிழப்பு

திருச்சி மாவட்டம் மணப்பாறையை அடுத்த கஞ்சநாயக்கன்பட்டியில் செவ்வாய்க்கிழமை இரவு மின்சாரம் பாய்ந்து இளைஞா் உயிரிழந்தாா்.

மருங்காபுரி ஒன்றியம் கஞ்சநாயக்கன்பட்டியில் வசித்து வந்தவா் மாணிக்கம் மகன் முருகன் (29). எலக்ட்ரீசியனான இவா் செவ்வாய்க்கிழமை இரவு தண்ணீா் தொட்டியில் குளித்துவிட்டு, மின் மோட்டாரை நிறுத்தும்போது மின்சாரம் பாய்ந்து உயிரிழந்தாா்.

தகவலறிந்து சென்ற துவரங்குறிச்சி போலீஸாா், முருகன் உடலைக் கைப்பற்றி மணப்பாறை அரசு மருத்துவமனைக்கு அனுப்பிவைத்து புதன்கிழமை வழக்குப் பதிந்து விசாரிக்கின்றனா்.